Contact Me

Nombre

Correo electrónico

Mensaje

Hover Setting

default

Las Tablas del Campilllín - CachopoDay 2017


Señes: C/ Arzobispo Guisasola, Nº24 - Uviéu /Oviedo
Teléfono: 985 21 24 11


Web: www.tablasdelcampillin.com
Facebook: https://www.facebook.com/Las-Tablas-del-Campillin
Twitter: [@TablasCampillin] https://twitter.com/TablasCampillin


Facebook: https://www.facebook.com/CachopoDay2017/
Twitter: [@cachopoday2017] https://twitter.com/cachopoday2017


Llegó'l CachopuDay. Y llegó nel meyor sitiu posible, Las Tablas del Campillín, de la mano de Juanjo Cima, la persona que más ta faciendo por dignificar el cachopu, apostando dende'l primer minutu por él y faciéndolo siempres colos ingredientes asturianos y de máxima calidá. Y tamién de la mano de Noelia Solla, de Las Recetas de Noe,, impulsora y creadora de la idea. Imposible tar en meyores manos.


Axuntamos en Las Tablas del Campillín, galardonáu delles ediciones en dellos concursos del cachopu. Y digo Cachopu, porque la palabra Cachopu esiste na RAE, pero namás con una acepción, que ye la siguiente:

cachopo

1. m. Tronco seco y hueco de árbol.


Sicasí, nel Diccionariu de l'Academia de la Llingua, esiste Cachopu coles siguientes aceiciones

cachopu

1. Tueru [vieyu y güecu d'un árbol]
2. Parte [del tueru d'un árbol enllena nuedos]
3. Conxuntu de dos raxes [de carne rellenu de xamón, de quesu que se reboza y tuesta]

Llamemos les coses pel so nome y disfrutémoslas como son. El cachopu trunfa, tien un llabor social bien importante y complementa perbién tol abanicu enorme de la gastronomía asturiana.


Pa celebrar el #cachopuDay, axuntamos amigos y medios en Las Tablas del Campilllín, y Juanjo presentónos les xornaes que van durar hasta'l día 19. El preciu pa dos persones ye de 30€. Y asegúrovos que vais salir rodando, porque en Las Tablas toa ye grande .... y bonu.


Empezamos con una Ensalada de Cecina con Quesu de Cabra. Bonísima.


Y un Cachopu. Tienen 5 a escoyer, ente los que s'atopa'l Ganador del Campeonatu de Asturies 2016 y 2017. Nós probemos 2 y ... foi difícil dicivos cuál ta más ricu. Cachopu rellenu de paleta ibérica y quesu Cabrales yá'l Cachopu rellenu de xamón y quesu La Peral con foie frescu.


Acompañáu d'estes pataques rellenes de alioli tan riques, y amás, d'una fonte de pataques frites.


P'acabar Arroz con Lleche o, pa esta ocasión especial, Tiramisú. Y ye qu'el Tiramisú de Juanjo encántanos, nun lo tien siempres, asina que si vais a cualesquier de los sos restoranes, Vinoteo o Las Tablas del Campillín, preguntái por él porque paga la pena.


Pa beber, Ordum de Ca Beleño. Cola presencia de Frank Delgado, que nos comentó que ye una cerveza 100% artesana, ensin nengún aditivu y fecha amás con Agua de Borines. Hasta agora namás podíes beber nel so chigre, el Ca Beleño, pero en curtiu van dar el saltu y van comercializala. Yá vos lo cuntaremos, porque va ser daqué importante.


Bona compañía, organización de luxu, cerveza local y de primera y una fiesta alredor del Cachopu. Yá esperamos el #cachopuDay2018!!


No hay comentarios

Publicar un comentario