La Barraca

Señes: C/ La Barraca, 16 - Nava
Teléfonu: 985 716 936

Calidá: 3/5

Preciu: 15€

Facebook: https://www.facebook.com/sidreria.labarraca/

Comentarios: Tres un día de visita de llagar en llagar, tocó parada en La Barraca, sidrería asitiada a la entrada pela carretera xeneral de Nava. Con amplia zona p'aparcar.

Tien una terraza cubierta esterior onde se ta perbien, y dientro, zona de barra con un ambiente de chigre bien guapu.

Cenamos 9 persones, ente elles 2 americanos, a los que, por supuestu, les punximos unos Chorizos a la Sidra y unes Fabes con Xabalín que se cenaron ensin gorgutar. Nun me gustaría tar esa nueche nesi hotel.

El restu, picamos una ración de Pulpu con Patatinos, bien ricu.

y Llombu al Ayu con Pimientos del Piquillo. Gustó.

Con sidra Horizón echada en tou momentu. Bona de temperatura y bien echada. De luxu.

Pagamos por tou unos 137€, a 15€ per cabeza. Con cafés y clin de Sidra de Xelu Viuda de Angelón convidaos pela casa.

Inclusive hubo cursu d'echao.