L'Artesana Uviéu

Señes: C/ Santa Clara, 8 - Oviedo / Uviéu

Facebook: https://www.facebook.com/Lartesana2/

Calidá: 3/5
Preciu: 17€

Comentarios: Conocí a Pablo y Edu cuando abrieron so llocal de L'Artesana en La Felguera fai un par d'años, y darréu convirtióse n'ún de los mios llocales favoritos. Dende'l primeru momentu tuvieron les idees bien clares, y apostaron por dir creciendo adulces ufiertando coses distintes nel so llocal.

En La Felguera trunfaron, y fixeron normal lo qu'hasta entós naide consiguiera. Faer que la so cerveza "base", la "caña normal", sía Cerveza Caleya. Tener un cañero fixu de Caleya, a partir del cual pueden xugar con otros 2 fixos y 5 más rotativos pa que los veceros vaigamos probando. Esi primer pasu normalizando una cerveza asturiano de calidá como la cerveza base fixo que l'interés cerveceru creciera na zona, y que La Felguera sía agora, gracies tamién a L'Espumeru, una de les capitales cerveceres d'Asturies.

Amás, nun paren solo na cerveza. Entamen una serie d'actividaes culturales n'el mesmu chigre, esposiciones, cuentacuentos, conciertos, charres, maxa ... que faen que siempres tea llenu de vida.

Esta mesma filosofía llevólos a faese con un local en plenu centru d'Uviéu y montar L'Artesana Uviéu. Pero amás, añediendo cocina. Siempres caltuvi que la cerveza pide siempres cocina, y que tener una pizarra con 10 cañeros de cerveza da muncho xuegu gastronómicu pa xugar y prebar coses distintes. Hasta agora namás teníamos L'Espumeru y agora sumen, amás n'Uviéu, L'Artesana.

Tres la presentación de la nueva imaxe de PorterHouse, quedamos a cenar. Daqué rápido ya informal, y quedamos a la espera de dir otru día a conocer con más detenimiento la so ufierta gastronómica.

Tomé una l'Hamburguesa L'Artesana, pan multisemilles, tenral, quesu, llechuga, tomate, chumichurri de cerveza del chef y Cebolla Caramelizao. Bien bona.

P'acompañala, pinta de la Asturies Pale Ale de Caleya. Imprescindible.

Tienen amás pizzes, tables de quesos, nachos, ensalaes, pataques ...

Salimos a unos 17€ per cabeza. Yá sabéis, L'Artesana, alimentu pa l'alma.