Grand Prix

Direición: Plaza de San Nicolás, 21 - Ávila

Teléfonu: 920 213 811

Recomendaciones: Chuletón de Güe

http://restaurantegrandprix.com/

Calidá: 3/5

Preciu: 50€

Comentarios: Averamos por tierres abulenses a probar un auténticu Chuletón de Güe, y digo auténticu porque'l Restorán ye de los pocos sitios n'España que tien criadoriu propiu. Sobre esta tema siempres hai muncho alderique alredor, hostelero aprovechaos a esgaya y muncha inorancia ente'l consumidor que piensa que la mal llamada "vaca vieya" ye de peor calidá.

Llocal asitiáu nel esterior de les muralles d'Ávila, con decoración clásica, típica castellana, enllena de cadarmes d'animales por tolos llaos, inclusive con unes maraviyoses pezuñes como percheru que nun pudimos aguantar a fotografiar.

Díbamos a lo que díbamos, a pol chuletón. Pero dexámosnos recomendar pol camareru y pidimos un Xamón de Güe d'entrante, que nos dixo taba deliciosu. A 18€ el platu yá podía talo. Eso sí, traxéronnos una bona ración con un pan prestosu. El xamón ye salao, con un sabor distinto, y más paecíu a la cecina. Como prueba tuvo bien, anque nun va pasar a la hestoria los xamones.

El Chuletón de Güe foi espectacular. Bonísimo. Traxéronnos un platu colos cachos yá cortaos y una piedra caliente pa dir faciéndolo al nuesu gustu con un cachu grasa pa cocinalo a la plancha. La carne desfaíase, con 2s por cada llau más qu'abondo pa tastiala. Amás, traenla'n cachos finos por que sía más fácil apreciala.

Bona ración pa dos persones.

De postre, pidimos Tarta de Cuayada y Tarta de Quesu. Los dos caseres y bien riques, sobremanera la de quesu, con una testura que bien prestosa.

Bebimos media botella de tempranillo Yllera y Agua Bezoya.

Con cafés, pagamos 95,26€. 40€ de chuletón.