Contact Me

Nombre

Correo electrónico

Mensaje

Hover Setting

slideup

Nueva Visita: Abrelatas

  

Señes: Ería del Hospital, 5 - La Pola Sieru
Teléfonu: 984 182 245


Web: http://www.abrelatas.info/
Facebook: https://es-es.facebook.com/abrelatas.restaurante
Twitter: [@abrelattas] https://twitter.com/abrelattas


Anterior Visita: https://lesfarturesast.blogspot.com/2021/04/nueva-visita-abrelatas.html


Calidá: 4/5
Preciu: 32€


Comentarios:  Cuando pensabes que nun se podíen superar más, llega Mary Lluz y fai'l meyor pote de castañes que probasti na to vida. Ye un auténticu luxu'l tándem que formen Mary Lluz y Borja, cómo se compenetran y cómo s'arriquecen. La crónica del Abrelatas de güei va alredor de platos tradicionales, daqué que tamién dominen, y como pocos.


Empezamos col so Bombón de Chocolate y Carrellera de Gochu Asturcelta. Nos dos tamaños que va camudando. Equí la semeya con namás la cabeza.


Y equí col tamañu completu. Sía'l que sía, ye maraviyosu. Una esplosión de sabor na boca, inclusive con un toque picante, qu'amestáu col dulce del chocolate fai una combinación clásica, pero que nunca dexa de sosprendenos. Podría vivir solo con esti bombón.


Empezamos bebiendo'l Quiéreme Vida 2019. El blancu asturianu elaborao en Parres pola xente de Pueblo Astur, amiestu d'uva riesling y albarín. Gustónos abondo.


Ensalada de Cogote de Bonitu del Norte con Quesu a la Plancha y Chips. Una ensalada buenísima, enorme, con toques cruxentes y sabrosa. Xenial.


Pote de Castañes Mayuques con Gochu AsturCelta. Espectacular. El meyor que probé enxamás. Amiestu de picantín de la morciella yá'l dulzor de la castaña, maraviyosu.


Vien col espinazu del Gochu AsturCelta y más compangu.


Borja sacónos amás unos Garbanzos con Bacaláu y Espinaques, yá que tábamos en plena dómina del menu del Desarme. Bien bonu.


Unos Callos a l'Asturiana. Maraviyosos. Piquen, pero vienen aparte con más picante por si precises más, qu'a Borja-y presten allegres.


Por si quedábamos con fame, Borja sacónos un Chorizu de Bimenes.


A puntu d'españar, una Tarta de Ferrero Rocher. Maraviyosa.


Y una Tarta Fina de Turrón, que ye un espectáculu, de les mios favorites.


Colos postres, Aguardiente Viejo de Salvador del Obispo. 9 años en barrica de carbayu. Una maravía.


Para beber, amás del Quiéreme Vida, un Escolinas Carrasquín 2017, una de les mios uves favorites de Cangas, y Verdea Tinto, cola so acidez tan marcada.


Non podíamos dir ensin dixestivu, asina que fiximos la prueba de l'Alquitara del Obispo con tónica y ... Nin tan mal.


Pagamos por tou, 130€. Ente 4. Como siempres, perfectu.

No hay comentarios

Publicar un comentario