Salón de la Sidra de Gala 2020 - Premios SISGA

RESTAURANTE LLAGAR EL DUQUE
Señes: Carretera de la Isla - Bernueces - Xixón
Teléfonu: 985 371 919

Web: https://www.restauranteelduque.com/

Facebook: https://www.facebook.com/restauranteelduque/
Twitter: [@ElDuqueGijon] https://twitter.com/ElDuqueGijon

Instagram: [@restauranteelduque] https://www.instagram.com/restauranteelduque/

Anterior Visita: https://lesfarturesast.blogspot.com/2020/05/cena-de-la-sidra-de-gala-2019-premios.html

Comentarios: Entamar un Salón internacional de la Sidra nestos tiempos ye complicáu, abondo complicáu. A pesar d'ellos, la Revista La Sidra entamó un amiestu de Festival Telemáticu-Presencial que supo a pocu y dexónos con ganes de la vuelta a la normalidá para esfrutar de los Salones de la Sidra de Gala de davezu, tan especiales siempres. Con too y con eso, vaya dende equí la mio norabona a la organización por sacar alantre estos premios y siguir consiguiendo que crezan añu a añu.

Magar la circunstancies, el SISGA d'anguaño foi'l que más participación tuvo de toles sos ediciones. 72 llagares y 205 botelles de sidra distintes presentaes a concursu de países  como Estaos Xuníos, Francia, Luxemburgu, Alemaña, Irlanda, República Checa, Francia, Polonia, Letonia, Italia, Portugal, Suráfrica, Finlandia, ente otros.

El domingu pela mañana celebraron la entrega de premios nel Restorán Llagar el Duque, con toles midíes de seguridá posibles, y l'asistencia de representantes económicos y embaxadores de países como la República Checa.

Nesta ocasión, el llagar que más premios llogró foi Panizales, con 4 premios absolutos de 18 categoríes, y munchos más premios secundarios en delles categoríes. Ensin dulda una reconocencia al gran llabor de Tinu como llagareru ya innovador nel mundu de la sidra. Para beber, pudimos probar casi tola sidra que llogró un premiu. Una maravía que se da en poques ocasiones. 

Empezamos con un aperitivo con Sidra de Fuego Panizales y Sidra Viesk, tamién de Panizales.

Yá sentaos nes meses, a distancia abonda, probemos una Cuña de Quesu Gratináu y Cebolla Confitada.

Ensaladilla Rusa. Mui rica. 

Endivies con Aguacate y Salmón. 

Probámosla con Sascha Kolowrat, de le República Checa. Plata en Sidra Semiseco. 

Finnbarra Seco. Plata en Sidra Seco. Irlandesa. Golor a compota, poco cuerpu y un dexe puercu a la fin. Pero pue bebese.

Cydr Smykan Grochowka. Bronce en Sidra Seco. De la República Checa. Esplumosa, con abondo amargu, poco cuerpu y llimpia. Gustóme.

Sidra Carral. De Llión. Golor a mazana asada, pero artificial. Turbia. Nun me gustó.

Tostada de Cecina y Quesu con AOVE.

Empanada de Bonito El Duque. Lo meyor de tola comida. Maraviyosa.

Croquetes de Xamón de Tinéu. Riques.

Probámosles con Kuura Cuuvee 2016 brut. De Finlandia. Oru en Sidra Esplumoso Seco. A mi paecióme abondo duce. Pero entra bien.

Andedrsen winery Ben A 2016. Plata en Sidra Esplumoso Seco. De Dinamarca. Famosos peles sos cerveces. Nun ta nada mal.

Y Sidra Posma. De Tenerife. Nun trunfó a pesar de llevase'l bronce en Sidra Esplumoso Seco.

Tortiella de Merluza. 

Molletes de Corderu Asáu. 

Chipirón Rellenu. Mui ricu. 

Tomámoslu con Mr.Plūme Pussausais. Oru en Sidra Semiseco. Lletona. Dulce, ensin gas, pero ricu.

Colemans Medium cider. Plata en Sidra Semiseco. Inglesa. Nun güel y sabe mal. Y Gallinal Drinks Exner. Premium en Sidra Semiseco. Asturiana.

Seguimos con Caramelos de Morciella. Ricos. 

Y una Esbilla de Quesos Asturianos. Maraviyosa. 

Tomámosla con Domaine de la Mare L’Insoumis. Plata en Sidra Semiseco Esplumoso. Francesa. 

Riestra Semiseca. Maraviyosa como siempres. Oru en Sidra Semiseco Esplumoso. Asturiana.

Y Blands Templars Choice dry. Francesa. Plata en Sidra Semiseco Esplumoso. Nun la salven nin los templarios.

Tarta de Mazana y Mini Bombes de Crema. 

Con Melagodo. Premium de Sidra Extra Seco Espumoso. Italiana. Seca y Puerca. Nun trunfó.

Y Pomar Rosée. De Viuda de Angelón. Plata en Sidra Duce. Maraviyosa como siempres.

Col café, unes Madalenes. 

Y unes pastes. 

Con Sidra de Hielo Cortina y Sidra de Hielo Valverán. Prestome más Cortina. 

Una edición distinta, que fixo valorar el gran trabayu que se fai nesti salón y que fai deseyar inda más que llegue l'añu que vien para celebralo como se merez.