Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva Visita: L'Espumeru

Direición: C/Julian Duro, 22 - La Felguera
Teléfonu: 985 696 625



Calidá: 3/5
Preciu: 20€


Facebook: https://www.facebook.com/Brew-Pub-Espumeru-Curuxera-Brewery
Twitter: [@curuxerabrewery] https://twitter.com/curuxerabrewery

Anterior Visita: http://www.lesfartures.com/2016/07/curuxera-quesos-de-aitor-luis-vega.html


Podemos definir un Brewpub como una cervecería onde se sirve la cerveza ellaborada n'el mesmu establecimientu. Ateniendonos a esta definición, n'Asturies esisten dos llocales qu'axunten estes característiques: L'Espumeru y Ca Beleño. Podríamos estendelo a IPA: La cervecería del Millón de IBUS cola so Bayura, anque la cerveza nun tea fecha nel mesmu local.


Pero agora Hugo Suárez llevó L'Espumeru un pasu más allá y tres unos meses de reforma convirtió la so cervecería nel únicu Brewpub d'Asturies qu'amás sirve comida. Con un impresionante fornu de lleña metanes del llocal que compite cola chimenea que tien xusto en frente, y la reubicación de la mesa de billar, L'Espumeru ganó una zona de restorán na parte de tras, mientres puedes ver a través de la cristalera la micro-cervecería trabayar la so cerveza Curuxera.


Pasín a pasín y acostumándose al nuevu ritmu, ufierten una carta clásica de Pizzes con unes 13 referencies distintes, y amás cocina p'acompañales tirando de productu pero ensin grandes complicaciones.

La idea ye bien cenciella, que vayas a L'Espumeru, tomes una de les sos 5 Curuxeres qu'ellabora y sientes a comer/cenar mientres el gusanillo va pidiendo la segunda cerveza.


Por agora el serviciu de cocina namás ta de Martes a Domingo de tarde (los llunes piesllen), pero dirán ampliando poco a poco.

Comimos 3 persones, una par d'entrantes y un par de pizzes. Col postre nun pudimos porque acabamos fartucos.


D'aperitivu, Hugo, el maestru cerveceru qu'amás ta al mandu del fornu,  trayono una Focaccia pa que probáramos la bona masa cola que fai les sos pizzes. Y taba buenísima.


Entamamos con una Ensalada Caprese, cenciella pero riquísima. Esplosión de color con unos estupendo tomates. L'aceite del bonu, amás. Mui rica.


Siguimos con unos Nachos Hot, que lleven chili, carne, mozzarella y xalapeños. Nun echéis a tremecer, qu'el picor ye llixeru. Llevase perfectamente y tán riquísimos. Creo que se convertirá n'ún de los ésitos del llocal porque cola cerveza va estupendamente.


Y p'acabar, al centru la mesa, dos pizzes:

Pizza d'Atún, que lleva tomate, mozzarella, atún n'aceite de oliva, aceitunes prietes y romeru.


Pizza de Xata Asturiana, que lleva tomate, mozzarella, carne picada de xata asturiana y pimientos salteaos.

Dambes pizzes bien riques, con una masa bonísima, que ves cómo te la preparen nel momentu y bonos complementos. Cocina cenciella, pero mui rica. Y eso encántanos.

Tienen dellos postres, ente ellos una Pizza de Nutella qu'esperamos probar en curtiu, pero nun pudimos con más. Queda pendiente.


Pa beber, cerveza del propiu llocal. Dos Pilxen: cerveza roxo tipu lager (la roxa de tola vida) al estilu checo, con un tastu nidio. Perfecta pa enfrescase los díes de calor. Con 5%, ye llimpia y tien un llixeru toque d'amargor que dalu el llúpulu checo. Y una Yanky, la so APA (American Pale Ale), al estilu americanu. Una cerveza con arume a llúpulu que lleva 5 vegaes más llúpulu que les anteriores. Llixeru arume a melocotón; en boca ye amargurienta, pero llixera. La mio favorita del llocal.


Amás d'eso, ties la opción de llevate les pizzae a casa (de momento has dir tu por elles), y col recién inventu de Hugo d'arrendar una botella d'eses antigües de casera pa poder rellenar de la so cerveza, ye'l combo perfectu para cuando nun pruye salir de casa.


Con cafés, pagamos por tou 56€. Menos de 20 por cabeza.

Amás, agora aceuta TicketRestaurant


No hay comentarios

Publicar un comentario