Teléfonu: 984 084 324
Calidá: 3/5
Preciu: 32€
Comentarios: Siempres tais preguntándome por sitios pa comer en La Pola, y, como siempres qu'avero voi al Abrelatas, namás puedo cuntavos les mios esperiencies nos concursos de pinchos a los qu'averé como xuráu. Ún que siempres me gustó enforma y que m'encamentáis, ye La Terraza. Asina qu'acercámonos a comer.
Asitiáu na parte alta de la Plaza Les Campes, territoriu sidreru por excelencia. Cai casi piatonal, y con una amplia terraza. Dientro, zona de barra con delles meses y al fondu un pasiellu con dalguna mesa más.
Lo que menos nos prestó ye que nun echen la sidra, nin tampoco hai otres espresiones de sidra que diríen xenial col so tipu de cocina. Asina que tomamos Viuda de Angelón, pero ensin esfrutala del tou.
De mano, pidimos Pixín.
Vien acompañáu d'unos llagostinos y un pocu pulpu. Bien bonu .
Y Panceta fresca a baxa temperatura a la brasa con mix de cogordes. Perbona.
El contraste de la panceta coles setes, queda xenial. Bien ricu.
Acabamos con una Tarta d'Ablana. Rica.
Ente medies cayó una botella d'albariño. Pagamos por tou 62€. La comida gustónos enforma. Pena de lo de la sidra.
No hay comentarios
Publicar un comentario