La Leyenda del Gallo - La Casa de Papel

 

Señes: C/Altamirano, Nº 9 - Uviéu /Oviedo

Teléfonu: 984 840 684

Calidá: 3/5

Preciu: 30€

Facebook: https://es-es.facebook.com/laleyendadelgallo/
Twitter: [@leyendagallo] https://twitter.com/leyendagallo
Instagram: [@laleyendadelgallo] https://www.instagram.com/laleyendadelgallo

Comentarios: Nunca nun vi La Casa de Papel, nin tampoco sé'l Bella Ciao. Yo soi más d'Aida LaFuente de Nuberu, pero les ganes de volver cenar en La Leyenda del Gallo pudiéronnos y averamos  a una cena temática onde acabamos esfrutando daveres. 

Yá sabéis que ye un local con una decoración preciosa, na zona de copes d'Uviéu, onde amás de tomar les copes que quieras (o te dexen, nestos tiempos), pues comer o cenar na parte de tras. 

Empezamos con un xuegu de 24 entrugues sobre la serie. Unes de pura conocencia de la serie y otres puzzles prestosos. Imaxináivos la nuesa cara de circunstancia cuando la pregunta ye sobre determináu personaxe, pero Rubén Morán, cocineru y disfrazáu cola estética de la serie, ayudónos enforma. 

Con cada platu, ufiertábennos un cóctel. Y si nun te prestaba, dabente la oportunidá de siguir col que más te prestara de los anteriores.

D'aperitivu, una Mantequilla d'Anchoa. Nidia. Bien rica.

Empezamos con Bella Ciao, un ponche de vinu, cerveza sour mix, con un sirope especiáu, frutes y chocolate. Dulce

La Resistencia. Suquet de pexe con Llagostinos. Bien ricu.

Camudamos de cóctel, Gravitá  Permanente. Xinebra, zusmiu de llimón, sirope de moscato, menta y cerveza. Menos dulzuxu que l'anterior. Gustónos enforma.

Con Berlín. Risotto de Funghi y Trufa. Güel y sabe a trufa. Ricu.

Ti Amo. Tequila, llimón y amaretto. Amiestu d'ácidu col sabor a porra de Kojak. El mio favoritu de la nueche.

Con Jarana. Curry Colloráu tailandés de xata y pimientos. Picante. Asina que col cóctel foi xenial.

Pal  postre, Who Can It Be Now. Gin de Naranxa, Crema de Colacao, Vainilla y Mermelada de Figu. Bien ricu.

Y acabamos con Plan París. Lingote de Chocolate con Xeláu de Maracuyá. Ricu tamién.

Una cena distinta con unos cócteles bien bonos, pasando momentos bien prestosos nun sitiu preciosu. Hasta nos entraron ganes d'empezar a ver la serie.