Nueva Visita: Sidrería Zamorano

Señes: Calle Manuel Fernández Vigil, 11 - L'Entregu

Teléfonu: 653 671 217

Facebook: https://www.facebook.com/Sidreria-El-Zamorano
Twitter: [@zamo1409] https://twitter.com/zamo1409

Instagram: [@sidreria_el_zamorano] https://www.instagram.com/sidreria_el_zamorano/

Calidá: 4/5

Preciu: 30€

Anterior Visita: https://lesfarturesast.blogspot.com/2020/11/nueva-visita-sidreria-zamorano.html

Comentarios: Préstanos enforma'l Zamorano. Cocinen perbien y traten la sidra como en pocos sitios. Caltien esa estética de chigre que tantu nos presta y amás, consiguen que teas como na to casa. 

Averamos a comer 3 persones. Culetes de Sidra Alonso perbién echáos.

Empezamos con Gambón Ibéricu. Gambones envueltos en xamón ibéricu. Bien bonos. A la plancha y soltando un poco de grasina'l xamón. Vienen amás con una mueyu con praliné d'ablana. Encantónos.

De xacíu, nun podéis perdonar Les Cebolles Rellenes de Carrillera de Gochu. Perfeutes. De les meyores que probemos nunca. Pue que los meyores. Son un espectáculu. Tienen un toque picantín y tán atarraquitaes de rellenu.

Chuleta d'Adobu Caseru de Llantero. Brutal. Nidiu. Fechu lo xustu. Sabor. Encantónos. Gochu de casa.

Vien acompañáu de Pataques y Pimientos. De les de verdá.

Y de postre traxéronnos un variáu, anque tábemos a puntu d'españar. Tartes de Turrón, Sidra y Almendra. Les 3 increíbles, pero la de sidra ye un espectáculu.

Para beber, Sidra Alonso. Bonísima. 

Javi del Llagar Alonso nun mos dexó pagar, nin ver la cuenta. Pero tenéis un par de cróniques más pa faevos una idea del preciu. Eso sí, eses cebolles rellenes son impagables.