Teléfonu: +351 213 637 423
Preciu: 6€
Web: http://pasteisdebelem.pt/es/
Comentarios: Lisboa ye una ciudá preciosa qu'hai que visitar en cualquier dómina del añu, pero hai llocales que faen que una visita a una ciudá pague la pena. Nesti casu, tou va de la mano, ciudá preciosa y llocal indispensable.
Pastéis de Belém ta asitiada xuntu al Monesteriu los Xerónimos, que tamién paga la pena visitar, anque les coles dacuando arrodien el monesteriu. Yá'l llocal debe a ésti la so esistencia, yá que s'inauguró en 1837 cola receta secreta que s'ellaboraba nel monesteriu.
Ye un llocal enorme llenu de rellabicos que merez la pena investigar. Si atopes una mesa vacía (complicáu porque ta llenu a toles hores, anque vos aseguro que paga la pena esperar por una), lo meyor ye abstraerse del trasiegu la xente, relaxase, pidir un café, unos pastéis, cerrar los güeyos y notar cómo l'hoxaldre y la nata desfaín na boca. Ye ... orgásmicu.
Cuntáronnos que namás 3 persones conocen la receta secreta de los Pastéis, y que nun pueden coincidir nel mesmu medio de tresporte nin comer la mesma comida pa caltener la receta. ¿Lleenda o realidá? ¿Tán más ricos que los que comimos n'Évora? Yo creo que non, pero-y da un aire de misticismu al local qu'engrandece'l so encantu.
La decoración del llocal acompaña. Con esa cerámica en blancu y azul tan característico de Portugal, con un aire antiguo pero lluminoso y un personal mui sollerte.
Amás, los precios son bien baratos. Café y 3 Pastéis, unos 4,50€.
Tamién los puedes llevar a casa (curiáu col caltenimientu de la nata), y comelos a otru día. Nun saben igual que acabante faer ellí, pero con un toque de fornu ... cómense perfectamente.
Lo dicho, si vas a Lisboa, indispensable que vaigas comer Pastéis de Belém; y si nun vas a Lisboa, indispensable que vaigas tamién.
No hay comentarios
Publicar un comentario