Foralín

Direición: Manuel Garcia Conde, 3 - Oviedo / Uviéu
Teléfonu: 985 746 797

Recomendaciones: Pan de Xata

Calidá: 4/5
Preciu: 15€

Web: http://www.foralin.com/

Facebook: https://www.facebook.com/ElForalin/
Twitter: [@elforalin] https://twitter.com/elforalin
Instagram: [@elforalin] https://www.instagram.com/elforalin/

Comentarios: El Foralín ye'l nuevu apueste de Felix Martínez en plenu centru d'Uviéu. Formáu na cocina de los Manzano, forma parte d'esta nueva xeneración de cocineros (como si los anteriores yá fueren vieyos...) que yá ta dando enforma que falar.

Nótase'l toque de Casa Marcial, La Salgar o Gloria na so cocina, y sobremanera pudimos velo nes Croquetes. Perfectes. Con esi puntu llíquidu per dientro imposible, y trayéndonos un cachu de La Salgar  a la boca. A cencielles indispensables.

Cena informal na barra pa 3 persones. Añedimos una Picaña de Vaca a la Brasa. Nun entrugamos l'orixe la vaca, nin la so edá, pero carne realmente tienro que se desfái sola. Per bona. Amás, vien con unes pataques, unos pimientos y una vinagreta bien rica.

Acabamos con ún de los platos estrella de la casa, Pan de Xata. Un bao rellenu de Carrillera y Rabu de Toru de vaca asturiana. Para comer d'un bocao.

Vien presentáu sobro una fueya de plátanu (que nun se come, fartones XD).

Pa beber, Sidra DOP Práu Monga, echada con una máquina infernal d'eses.

Tienen una bona carta de vinos, y les referencies asturianes en primer llínea la carta. Tienen Sidra Natural, Sidra de Mesa, Sidra Brut Nature y Sidra de Xelu. Amás vinu asturianu blancu y tintu. Gran apueste pa un sitiu turísticu onde'l productu asturianu ha de ser la base de too.

Pagamos por tou 28,80€. Quedamos con gana de probar más coses, como'l pulpu, los callos o l'arroz. Pero vamos volver.

Asitiáu ente la Cai Gascuña yá'l Teatru Campoamor, tien terraza esterior n'una miniplaza, zona de barra con meses pa tomar daqué, y un pisu cimeru con un comedor bien guapu. Llocal bien curiáu y alloñáu un pocu del xaréu de Gascuña. Merez la pena visitalo.