Locos por el Queso en Delabra

Direición: C/ Finca la Quinta, 11 - Oviedo (Uviéu)

Teléfonu: 985 11 76 76

Web: http://delabra.es/

Facebook: https://www.facebook.com/restaurantedelabra
Twitter: [@DeLabraOviedo] https://twitter.com/DeLabraOviedo
Instagram: [@de_labra] http://instagram.com/de_labra

EXCLUSIVAS VEGA

Direición: Daniel Moyano, 4, La Corredoria - Uvieu / Oviedo

Teléfonu: 630 476 475

Web: http://www.exclusivasluisvega.com/
Facebook: https://www.facebook.com/aitorluisvega
Twitter: [@AitorLuisVega] https://twitter.com/AitorLuisVega
Instagram: [@avigil1978] http://instagram.com/avigil1978

ARAMBURU UVIÉU

Direición: C/ Fierro, 9

Teléfonu: 984 285 781

Web: http://aramburu-asturias.es/

Facebook: https://www.facebook.com/AramburuAsturias/
Twitter: [@AramburuAstur] http://www.twitter.com/AramburuAstur/
Instagram: [@aramburuastur] https://www.instagram.com/aramburuastur/

Xuntar a más de 80 persones un miércoles de nueche nun ye xera fácil, pero la pasión de dos llocos pol quesu como Aitor Luis Vega y Roberto Aramburu, cola ayuda de Miguel Álvarez, propietariu del Restorán Delabra, fixo que fuera posible.

Un homenaxe al quesu, amestáu con grandes bebíes. Roberto y Aitor presentábennos los quesos, y Miguel los maridaba col so vinu apropiao. En tandes de 3 quesos por bébora, asina pudimos dir incrementando la intensidá de los quesos al empar que camudábamos de tipu de bébora. Vinu, Champagne y Sidra fueron los escoyíos pa la ocasión.

Empezamos con un aperitivu d'acoyida con Uramaki d'Atún con Fresa y Quesu Fresco con Sidra Brut Reserva Viuda de Angelón. Maraviyosa como siempres para una de les meyores sidres qu'esisten, non nanmás n'Asturies, nel mundu.

Yá sentaos nes meses, de 6-8 persones, Miguel presentónos el primer vinu. García Viadero, de Bodegues Valduero. Variedá albillo, única que dexa'l DO Ribera de Duero pa ellaborar blancos. Un vinu intenso, floral y frescu. Perfectu pa entamar.

Col vinu, Besos de Rei Silu. Una de les xoyes queseres que tenemos n'Asturies, y que nun dexa de collechar premios internacionales. Quesu (pequenu) y cremosu, que s'ellabora con lleche crudo de vaca. Con una maduración pequena, tien una intensidá de sabor buenísima.

Siguimos con quesu asturiano. Cueva de Llonín. quesu de pasta blando de Peñamellera, nidiu, de testura fascinante y buenísimo. Ún de los favoritos de la nueche. Tien una alcordanza al Camembert, d'ende que lo llamen el cameembert asturianu.

D'Asturies a Francia, Brie de Meaux Dongé Seleición. Ún de los meyores quesos del mundu, na so meyor edición. Quesu de pasta blando de lleche crudo de vaca. Buenísimo, el más fuerte de los trés.

Como sorpresa, y fora de programa, traxéronnos un quesu de lleche pasteurizao de Los Payuelos (Lleón). Un quesu tienro con 20 díes de maduración, suave y cremosu. Mui ricu.

Camudamos de bébora pa la segunda tanda. Champagne Lanson Black Label, Chardonnay, Pinot Noir y Pinot Menieur, 36 meses de Crianza. Un clásicu ente los champagnes. Cítricu (descomanadamente, diría yo), apurre la potencia necesaria pa probalo con ...

Gazul de Cabra Lleche Ecolóxica. Quesería de Cádiz, con un quesu intenso, que casi paez un manchegu. Indíquennos que se protexe con mantega de gochu.

Idiazabal de Pastor Afumáu. Quesu de lleche crudo d'oveya con cuayo, del País Vascu. Fechu de la oveya latxa, autóctona de la zona. Maurecíu un mínimu de dos meses y afumáu mientres dos díes con madera de zrezal o espín. Persiste esi toque afumáu. Gustónos.

Gouda Lámuse Brabander. Poco qu'añedir a ún de los meyores quesos de cabra del mundu. Quesu de Lleche pasteurizao de cabra d'holanda. 1 añu de maduración pa que cree los sos famosos "mini cristales" de proteína que-y dan un sabor y testura increíbles. Buenísimo

Siguiente tanda, y camudamos a un sauvignon blancu. Fransola 2013. 100% Sauvignon Blanc, 6 meses Roble Frances, 90 Puntos Empón Parker. De Bodegues Torres. Vinu blanco del Penedés, Un vinu sedoso, con un puntu vexetal importante, que prestó pa la siguiente tanda de quesos. Siguimos xubiendo n'intensidá.

Comté Reservation de Marcel Petite. Ún de los meyores quesos curaos del mundu. Un auténticu espectáculu. Quesu francés de lleche crudo de vaca. Espectacular.

Parmigiano Reggiano Cravero. Un parmesano de tola vida, sí, qu'hasta agora namás s'usaba pa cocinar, pero que se ta recuperando (y reinvindicando) como un gran quesu pa tomar solo. Y la verdá ye que cumplió en probando'l Comté, y mira que lo punxo difícil.

Ojos de Guadiana Etiqueta Negra. Quesu de lleche crudo d'oveya de Ciudá Real. Ún de los manchegos más premiaos del mundu.

¿Súpovos a pocu? Pos siguimos, qu'inda hai más.

Lágrimas de Oro de Alberto, 100% Verdejo en crianza oxidativa. 95 Puntos Guía Peñín.  Verdejo DO Rueda, intensu y llargu na boca.

Geo de Lazana. Otra de les maravíes asturianes, abondo desconocíu. De Llazana (Les Regueres). Quesu de lleche crudo de vaca. Mantegosu, de sabor intenso, un toque a ablana y pa comelo tou, inclusive la corteza. Buenísimo.

Morbier de Marcel Petit. A partir del sobrante de lleche de faer el Comté, ellabórase otru quesazu de Lleche Crudo de Vaca que ta ente los más vendíos en Francia. Buenísimo.

Beasdale Bewety Oveya. Otra de les sorpreses de la nueche. Quesu desconocío, equilibráu, con un toque picante y un final llargu. Gustó.

Llegamos a la recta final. Y acabamos con otra de les xoyes de la corona. Sidra Diamantes de Hielo Viuda de Angelón. Amestu perfectu pa los quesos más fuertes (y polo xeneral con cualquier quesu). Una sidra de xelu de 11,5% , con un procesu d'ellaboración aballador (pa consiguir una botella de 37,5cl precísase l'equivalente a 10 botelles de sidra natural). Con un azucre residual de 140g/l, una llambionada, que güel y sabe a fruta maduro pero que nun empalaga. Perfeuta y qu'amás consiguió en 2016 el premiu a la segunda meyor sidra de xelu del mundu nel concursu de Michigan (EEXX).

Fora de "cartelu", tuvimos otra sorpresa. Quesu Azul de La Peral. Un quesu que va salir nuevu al mercáu en curtiu y que sosprendió pa perbién. Elegante y cremosu. Yo que vós non me lo perdía.

Cabrales El Teyedu de Pepe Bada. La xoya la corona. Meyor quesu azul del mundu 2017. Namás qu'añedir. Yá vos falamos d'él equí. Un espectáculu en cremosidá yá elegancia. Bonísimo.

Roquefort Seleición. Otru quesu azul de sobra conocíu. grasu, y que probemos con un cachu pan (indispensable pa estos quesos). Ún de los clásicos qu'enxamás defrauda.

Gorgonzola Cream. Otru clásicu, esta vegada d'Italia, pa un quesu untuoso, potente, de lleche de vaca pasteurizao. Na variedá picante, muncho más intensu y con eses notes de mofu que tanto lu caractericen.

Y p'acabar, y sorpresa mayúscula, cuntamos cola presencia de Marigel, de Quesería Redes, que nos traxo ún de los sos quesos casinos pa tomar. Esa maravía de quesu asturiano qu'a puntu tuvo de desapaicer que tanto tán engarrando dende la DOP.




17 quesos. 80 persones. Bébora increíble. Salón impresionante. ¿Qué más se puede pidir? Gran nueche en Delabra de la mano d'Aitor, Roberto y Miguel. Gracies fonderes.