L'Alfarería

Direición: C/ La Ferrería, 25 - Avilés 

Teléfonu: 985 546 834

Web: http://lalfareria.com/

Facebook: https://www.facebook.com/lalfareriarestauranteaviles/

Calidá: 3/5

Preciu: 25€

Comentarios: En plenu cascu antiguu d'Avilés, al lláu de la Plaza de Carlos Lobo y con unes precioses vistes a La Ilesia Medieval de Los Padres Franciscanos, inclusive'l Niemeyer; atópase L'Alfareria, restorán que lleva unos 20 años abiertu n'Avilés.

Na entrada, una zona de barra llarga onde puedes tomar daqué o tapear daqué rápido, con meses altes. Al fondu, un comedor bien guapu, non mui grande. Con unes cristaleres onde s'brir una zona de terraza que nun vos podéis perder pel branu.

Un sitiu decoráu en piedra, bien guapu. Anque yá namás la entrada so los soportales, yá namora.

Averamos un sábadu a cenar dos persones. Encamentáronnos los cachopos del sitiu, asina que decidimos a probar so Surtíu de Cachopos.

Consiste n'escoyer 4 cachopos de la llista que tienen, y amás acompañenlos de pataques frites (de les de verdá) y unos pimientos.

Tomamos el Cachopu Tradicional (xata, quesu y xamón), Cachopu Foie (xata, xamón, foie frescu y mazana), Cachopu a la Plancha (xata, quesu y xamón) y Cachopu de Pitu (pitu, cecina y quesu de cabra).

Tolos cachopos taben ricos, bona carne, xugosos, con bon rellenu y col aceite xusto. Quiciabes los que más nos gustaron fueron el de foie pol toque orixinal, yá'l tradicional.

Para beber, El Recio. Un vinu que va perbién cola carne.

Na so carta de vinos nun tienen nenguna referencia asturiana, nin vinu, nin sidra de mesa nin cerveza. Daqué ensin dulda ameyorar, y más n'una zona tan turística.

Con cafés, pagamos 55€.
Bona opción a bon preciu si tas per Avilés.