La Candelaria

Direición: Constitución, 71 - Sama de Llangréu

Teléfonu: 984 839 152

Recomendaciones: Tapea y esfruta

Facebook: https://www.facebook.com/La-Candelaria

Calidá: 3/5
Preciu: 25€

Comentarios:  Tenía muncha gana de conocer La Candelaria, un sitiu distinto y nuevo del que me falaren perbién en Sama, y la verdá ye que nun deceicionó nada.

Asitiáu na cai xeneral de Sama, La Candelaria ye un espaciu únicu, decoráu en maderes y colores claros y que caltien una gran sensación d'amplitú. Zona de barra a la derecha y el restu meses pa sentase. Fuimos un domingu de perros y el local taba casi llenu, asina que si queréis averavos, meyor acutái.

La carta basa en picotéu, tostes, sartenes y hamburgueses principalmente. Comida informal, pero con toques creativos y de calidá. La verdá ye que taba tou bien bonu.

Comimos cuatro persones y compartir tou al mediu.

Empezamos con un Cruxente de Chipirones con ali-oli de Llima y Esponxa na so Tinta. Presentación orixinal con una esponxa que sabe a la tinta'l chipirón. Suave, pero sabe. Los chipirones vienen rebozaos con panko, que tan de moda ta y dan-y un puntazu cruxente al platu. Na base, l'alioli de llima. Hai que meter el tenedor hasta'l fondu, pero merez la pena. Bien ricu.

Burrinos de Cochinita Pibil y Mueyu Mexicanu. Vienen 2 pieces que partimos a la metá pa probar. Los burrinos tradicionales son un pocu "secos" de por sí, asina qu'esi mueyu (que probemos aparte y n'el mesmu burrín) dan-y el rock'n'roll que precisa'l platu.

Gyozes de Llagostinos y Verdures con Mueyu Soya y Agriduz. Adoro la testura de les Gyozes. La presentación, na (yá) clásica caxa redonda (que conocimos per primer vegada nel 180º).

Tosta de Confit de Coríu, Chutney de Cenahoria, Mueyu de Porto y Mazana Baby. Enorme tosta, perfeuta pa probar un bon cachu los 4. Con bona carne de coríu, y rica. Notámoslu más el dulzor de la cenahoria qu'el oporto. Pero la resultancia final ye una tosta llambiona qu'entra perfeutamente. Mui rica.

Acabamos col Sartén Asiáticu, que trai Pocháu de Verdures y Pitu Teriyaki. Otra gran ración, con un par de güevos percima y una base pataques. Quiciabes nun pega demasiáu a priori col teriyaki, pero gustó na mesa.

Pa los postres, pidimos Tarta de Quesu en Testures, Suave y rica. Anque nun namoró.

Tiramisú en Calderu. Presentación bien orixinal, que tampoco namoró.

Esfera Ferrero Rocher. Mui rica. Chocolate n'estáu puru. Foi'l postre que más prestó a toos.

Diba cola idea del so famosu Mantegáu Peñasanta, del que nos falaron perbién, pero naide más s'animó na mesa. Asina que queda pendiente pa otra visita.

Carta curtia de vinos, nenguna referencia asturiana, nin de vinos, nin de cerveza, nin de sidra. Una pena.

Tomamos Albariño Abadia de San Campio, que siempres ta bonu.

Pagamos por tou, 105€. La casa convidónos a los cafés.

Un sitiu distintu y prestoso en Sama. Sentámonos nuna mesa pegada a la paré, a metá la comida vino un neñu pequenu d'otra mesa y púnxose a buscar daqué xusto ente nós y la paré ... miramos intrigaos y ... sorpresa!! Detallazos asina son los que dan vida a un llugar.