Publicidá

Contact Me

Nombre

Correo electrónico

Mensaje

Hover Setting

default

Presentación Faba Verdina La Panera - Café San Martín

Dirección: Samartin de Lluiña / San Martín de Luiña - Cuideiru / Cudillero





Web: http://www.fabaverdinalapanera.es/
Facebook: https://www.facebook.com/AlubiaVerdinaLaPanera


Que la faba verdina ta de moda, nun ye nenguna novedá. Ye un productu qu'adulces va asitiando na cocina asturiana por mor de la so calidá, sotileza y sobremanera, diversidá.

Cada vez se ven más tiendes o restoranes que s'animen cola faba verdina, con platos tradicionales o anovando con una faba a priori más elegante y sutil. De producción casi esclusiva asturiana, anque espardiendose a Galicia nos últimos tiempos.


Por cuenta de la presentación de la Faba Verdina La Panera d'esta temporada, axuntamos nel Café San Martín de Samartín de Lluiña pa probar distintos platos realizaos cola so faba verdina.

Ellí, Jose Luis y Soledá, los productores de Faba Verdín La Panera, esplicáronnos el procesu de plantación de la Faba y les diferencies cola Faba Asturiana. La Faba Verdina ye una faba nana de poca crecedera y que se recueye n'estáu inmaduru primero que la faba pierda la so clorofila y camude en blanca.

Amás, el procesu d'ensugáu ye bien delicáu, en cuanto-yos déa'l sol, la faba vuélvese blanca perdiendo curiosu visual. El so ciclu suel ser d'unos 80-85 díes

Asina que si yá la faba ye una llegume delicao, la verdina inda rique más curiaos y faen d'ella un productu más esclusivu y, por tanto, más caru nel mercáu.

El so maridaxe natural ye'l pexe o mariscu, anque les combinaciones son infinites como vais poder comprobar.

Queríamos probar la Faba Verdín La Panera de distintes maneres. La idea ye comprobar con qué platu la faba daba más xuegu, amás de probar la calidá de faba que nos ufierta La Panera.


Los platos a probar fueron Faba Verdina con Mariscu y Fabada Asturiana, dambos dos con Faba Verdina La Panera. De mano sorprendió na mesa l'atrevimientu de faer toa una fabada asturiana, col so compangu caseru, cola faba verdina, pero l'aprobación na mesa foi unánime. Si la faba ye bona, y ésta lo ye (la piel ye tan fina que se desfai na boca como si fuera mantequilla) que fixo una fabada de primerísima calidá.


La Faba Verdina con Mariscu, el platu que más ta pegando nos restoranes na actualidá, el maridaxe que s'impunxo cola faba verdina por escelencia, ta bonísima. Ye una platu menos fuerte que la fabada, y polo tanto, onde podemos apreciar más matices y afayar amás de la testura, la calidá de sabor de la faba verdina.


¿Con cuál quedase?  Complicáu decidise. Quiciabes pol tamañu y lo mantegoso, meyor la faba verdina con pexe o mariscu; anque la fabada de verdín foi la sorpresa del día. Meyor probar y asina nos cúntes.


De segundos, pudimos tastiar distintos platos, un Sollombu buenísimo; un Cachopu que nun probé, pero que nun tenía mala pinta y unos Callos que taben espectaculares.


Acabamos con tarta de quesu y requesón de postre acompañaos de tartes xelaes.


Pa beber, vinu Vivanco Crianza 2011 y Albariño Señorío de Sobral. ¿Soi l'únicu que piensa que la faba verdina con una botella de sidra natural o brut ta de restallu?



No hay comentarios

Publicar un comentario