Publicidá

Contact Me

Nombre

Correo electrónico

Mensaje

Hover Setting

default

I Xornaes Gastronómiques del Quesu Cabrales

D.O.P. Queso Cabrales
Web: http://www.quesocabrales.org/

Escuela d'Hostelería de Llanes
Facebook: https://es-es.facebook.com/hosteleriallanes



Ayeri los amantes del Quesu Cabrales tuvimos un día d'esos pa recordar nel IES de Llanes. La DOP del Quesu Cabrales convidónos a unes Xornaes Divulgatives aldedor al quesu con un menú degustación posterior creáu pola mesma escuela d'hostelería de Llanes col Cabrales como filo conductor.


Empezamos con una mesa redonda, con Jesús Casas, director xeneral de Desenvolvimientu Rural y Agroalimentación; Juan Carlos Bada, del Institutu de Productos Lácteos Asturianos (IPLA); Jésica López, presidenta del Conseyu Regulador de la DOP Cabrales; l'industrial riosellano Emilio Serrano, el cocineru Lluis Nel Estrada y el sumiller Ceferino Cimadevilla.

Enorme Lluis Nel Estrada animando a los Estudiantes de la Escuela d'Hostelería de Llanes a qu'utilizaren productos DOP como'l Cabrales, daqué impensable va unos años (y que güei ye posible gracies a persones como Lluis Nel). Emilio Serrano, recordemos primer DO d'Aguardiente de Sidra d'Europa, falónos de la calidá del Cabrales, fechu diferenciador por excelencia del nuesu quesu. Juan Carlos Bada, falónos de la territorialidá y del bon futuru económicu del sector DOP (polo xeneral) de Asturies. Pa rematar, un turnu d'entrugues onde destacó'l tema la Sidra col Cabrales. El sumiller Ceferino Cimadevilla dixo que'l Cabrales mata la sidra y que nun peguen bien, anque ameyora daqué con un pocu de pan. Menos mal que tenemos a Lluis Nel qu'apuntilló que la Sidra de Xelu y el Cabrales van de mieu. Qué país ...

Darréu sentámonos a la mesa 85 comensales, y pudimos esfrutar d'un menú degustación alredor al Cabrales que gustó enforma.



Cornete de Quesu Cabrales

Macarons de Maicitos y Cabrales

Bombón de Cabrales


Cherry Negru de Cabrales

Paté de Cabrales al Corte

Ensalada César Cabrales


Croqueta Líquida de Cabrales

Pirulí de Falpayar y Cabrales


Cruxiente de Xabalín y Cabrales


Como entrante, tuvimos Arroz Turrao de Cabrales y Boletus




El platu de carne, foi Cachopu de Pitu Caleya, Cecina y Cabrales


Y pa rematar, un surtíu de postres. Pera con Cabrales, Lleche Frito con Cabrales, Xeláu de Cabrales y una especie de Tartaleta de Cabrales. Tou perricu. 


Acabamos con un aplausu al gran trabayu de la IES d'Hostelería de Llanes. Gran Menú Degustación. 

Como veis, el paraísu de los amantes al Cabrales tuvo en Llanes. ¡Prestosu día!


No hay comentarios

Publicar un comentario