Xelaos Revuelta

Señes: Plaza Barqueras, 1 - Llanes
Teléfonu: 985 401 153

Web: https://heladosrevuelta.com/
Facebook: https://www.facebook.com/Helados-Revuelta-llanes
Twitter [@revuelta_llanes]: https://twitter.com/revuelta_llanes
Instagram [@helados_revuelta_llanes]: https://www.instagram.com/helados_revuelta_llanes/

Comentarios:  Siempres falamos de la llucha desigual que sufren los productores artesanos al respective les grandes industries alimentarias. Yá'l mundiu de los xelaos nun diba quedase tras. 

Xelaos Revuelta lleva dende 1922 apurriendo felicidá en Llanes, y anguaño son los sos nietos, los 4 hermanos, los que caltienen el testigu qu'empecipiaron Lisardo y Virginia.

Presentes coles sos furgonetes, camiones, motos con sidecar, bicis o cualesquier cosa que pueda tresportar xelaos en cualesquier rincón de Llanes mientres tol branu, centren la so actividá'l restu del añu na so famosa cafetería en plenu centru de Llanes, n'una maravía d'enclave xuntu al puertu deportivu. 

En 2012 inauguraron la so nueva nave nel polígonu industrial de Posada de Llanes, modernizando y automatizando procesos para siguir creciendo, tantu, que consiguieron dende entós doblar la so producción. Y nun paren de crecer y apostar pola innovación, tantu qu'acaben d'adquirir nueves máquines para trata'l chocolate que provienen directamente de Brasil yá que n'Europa nun se fabriquen.

Esta innovación y calidá, ensin perder una plizca de mimu y artesanía, faen que cada vegada tean más presentes nos restoranes asturianos, dende Bulnes hasta Uviéu, y de xacíu en tola zona oriental d'Asturies. Son famoses les sos tarrines de tolos sabores posibles (la de yogur ye brutal) y los sos GigaBom (el de 2 chocolates ye espectacular). Pero'l so xeláu más míticu ye'l mantecáu. Últimamente diversificaron los sos productos para cubrir toles intolerancies, pa que tou'l mundu pueda siguir esfrutando de los sos xelaos. 

Cada llunes reciben la lleche fresco, el yogur de Porrúa y la nata de Pría. Cada selmana ellaboren el chocolate y los yogures coles frutes qu'ellos mesmos escueyen. Un trabayu con muncho ciñu que pudimos comprobar nel so obrador, y que, poques gracies, probemos siempres que podemos allá onde vamos.

Xelaos asturianos. Apostemos por ellos.