Contact Me

Nombre

Correo electrónico

Mensaje

Hover Setting

default

Les Caleyes

Señes: Manuel Pedregal, 17 - Uviéu
Teléfonu: 684 664 855


Calidá: 3/5
Preciu: 20€





Comentarios: Conocíamos Les Caleyes gracies a festivales polos sos famosos FoodTrucks. Tienen yá 5 distintos, y percuérrense tolos festivales y eventos onde-yos dexen posar  na zona norte de la península.


Les Caleyes son Laura y Omar, dos chavales que nun lleguen a los 30 años pero que yá lleven unos cuantos años nesti mundín. En cocinando unos años para los Loya nel Mestura y eventos, decidieron dar el saltu y montar "de la nada" el so propiu foodtrucks, con muncha ilusión y l'ayuda de los sos padres, restauraron la so primer caravana y empezaron a tener el so propiu nome nel mundu los foodtrucks. 

En xunu d'esti 2020, decidieron dar otru saltu, y n'aumentando la so plantiya de foodtrucks a 5, abrir el so primer restorán. Y nin más nin menos qu'en plena cai de los vinos n'Uviéu.


Local bien guapu, con contrastes en pizarra y madera. Con meses feches por ellos mesmos. Tienen una filosofía bien clara, y ye da-y esi puntu de calidá y de productu que-y falta a lo que conocemos como "comida rápida". Faen, sobremanera, hamburgueses y pizzes, pero con productu local, y si nun lu atopen equí, de máxima calidá. 

Tan empezando a criar la so propia ganadería, y esperen nun futuru cercanu faer les sos hamburgueses cola sos propia carne, y aprovechar a ampliar tamién la so ufierta carnívora. Tamién tienen una variedá espectacular de quesos asturianos, con Aitor Luis Vega como provisor. Y unos tomates de la so propia güerta que va facevos llorar de felicidá.


Pidimos un pocu de too para probar, nun vos asustéis. Empezamos con una Pizza 4 Quesos. Namás con quesos asturianos. La masa ye de pan artesano que traen d'Italia. Ta buenísima, encántanos.


Siguimos cola so Hamburguesa La Gocha. Pan recién enfornáu, tenral asturiana, gochu asturcelta guisáu y desmecháu, cebolla morada, tomate natural de la so güerta y biltos verdes. Bien bona.


Vien con unes pataques frites. De verdá.


Acabamos con Media ración de los Tomates de la so Güerta. Un espectáculu.


De postre, Chocopasión con xeláu de yogur y peta zetes. Los petazetes queden xenial colo que sía. Gustónos enforma'l postre.


Y Tarta de quesu estilu Cheescake con mermelada d'arándanos. Buenísima.


Colos cafés, unos bombones.


Pa beber, Goma2 de Caleya. Maraviyosa.


Pagamos 45€. Pero yá vos digo qu'igual nun fai falta pidir tantu. Perbona opción de comida rápida con productu asturianu en plenu centru d'Uviéu. Gustónos enforma.


1 comentario

  1. merit casino【Malaysia】best 【WG98.vip】
    casino【WG98.vip】⚡,【WG98.vip】⭐️,best vip vip 제왕카지노 live casino,best vip 메리트카지노총판 slot machines on casino,best 1xbet korean vip bonus codes,

    ResponderEliminar