Contact Me

Nombre

Correo electrónico

Mensaje

Hover Setting

default

Pastelería Cabo Busto

Señes: Bustu, Ḷḷuarca
Teléfonu: 635 590 194


Facebook: https://www.facebook.com/Pastelería-Cabo-Busto
Instagram: [@pasteleriacabobusto] https://www.instagram.com/pasteleriacabobusto/


Comentarios: A los 2 minutos de falar con Jhonatan González Ovalle yá tas namoráu nel paraísu llambión de Cabu Bustu. La so sorrisa y la so ilusión tresmiten la so pasión pel mundiu la pastelería como poques persones que conozo, pero caes del tou nes sos redes en cuanto pruebes el primer taragañu de cualesquier de les sos creaciones. Güeyos en blancu, sorrisa de felicidá y soníos intelixibles de preste mientres Jhoni esplica tolo que lleva'l pastel.


El sitiu tamién ayuda, pero lo que namora ye'l so talentu y la so sorrisa. Allugáu nel pueblu de Bustu, ún de los sitios más espectaculares de la mariña asturiana (y arrodiáu de bonos sitios onde comer, como Cabo Vidío), atópase la pastelería, nuna casona preciosa asturiana que pertenez a la so familia, y que Jhonatan afixó como obrador y como tienda.


Un preciosu xardín llenu de meses, con una pimpana fonte nel centru, onde se formen grandes coles los fines de selmana p'aportar a la so pequena tienda col mostrariu de pasteles y tartes. Pasteles y tartes clásicos yá na casa, como'l so pastel d'almendra pura o la so tartaleta d'arroz con lleche; o creaciones innovadores que salen de la cabeza de Jhonatan como'l so maraviyosu Pastel d'Asturies, con un mazana, ablana y sidra, o'l so Sacu de mousse de freses con interior de compota de freses y base de galleta de mantequilla y almendra.


Pasteles que se comen pelos güeyos y pel olfatu, pero qu'esploten na boca d'una manera deliciosa. Munches vegaes, ensin llegar a apreciar tolos matices qu'apurren, polo que siempres ye necesariu volver y volver probar.


El mio encamientu ye que nin preguntes qué lleva caún. Dexa que la to intuición s'emponga y pruébalos sele. Yo nun soi de cocu pero'l so pastel de cocu maravióme, y de xuru que si-y lo entrugo, nun m'atrevo a mercalo.


N'el mesmu xardín tien meses, si nun aguantes, pa que puedas probar dalgunu. Nun tienen serviciu de cafetería, pero ye una maravía sentase, reparar los páxaros esnalando y dexase llevar pela paz del ambiente y enllenar los sentíos colos sos pasteles.


Tou esto ensin llegar a los 30 años, nun ambiente rural, a pocos metros del hotel rural que tien la mesma familia, a perbon preciu y algamando la excelencia utilizando productos llocales. Ye pa sentise arguyosos.


No hay comentarios

Publicar un comentario