Teléfonu: 985 11 76 76
Twitter: [@DeLabraOviedo] https://twitter.com/DeLabraOviedo
Instagram: [@de_labra] http://instagram.com/de_labra
Anterior Visita: https://lesfarturesast.blogspot.com/2017/05/nueva-visita-de-labra.html
Calidá: 4/5
Preciu: 42€
Comentarios: Lo normal cuando te conviden a una cena-harmonización con una bodega vinos, l'adaptación del platu al vinu (y viceversa) nun suel ser perfeuta, por dellos factores, pero'l principal, pola falta de tiempu ente unos y otres na organización. Delabra como siempres, foi un pasu más allá y ufiertónos una cena-harmonización perfeuta ente la so cocina y Bodegues Izadi.
Cuntamos cola presencia d'Omar Miranda, representante d'Artevino, empresa qu'axunta 4 bodegues en distintes zones d'España, ente elles Bodegues Izadi y Finca Villacreces, que son los vinos que pudimos probar na cena. Bodegues Izadi foi fundada en 1987 por un conxuntu d'amigos y empresarios, y adulces fueron creciendo y mercando viñes hasta formar Artevino.
Empezamos con un aperitivo na recepción del restorán, preciosu, por cierto. Con unos Uramaki de Bugre y Kimchi, Gunkan de Tartar d'Atún Coloráu y Futomaki Cruxente de Trucha. Mui ricos, anque'l nuesu favoritu foi'l Futomaki. Acompañáu amás d'un Flor de Vetus DO Rueda, un verdejo qu'entró perbién de mano.
Yá sentaos na mesa, y tres una introducción d'Omar falándonos de les bodegues, traxéronnos el primer vinu. Izadi Larrosa DO La Rioja.. 100% Garnacha de viñeos d'altor. De mano, yá sospriende'l color, rosa palu, muncho más elegante que la mayoría los rosaos que sueles atopar. Golor a pera (sobremanera) y na boca, enfresca, ye saborgosu y nun empalaga. Bona acidez, amás. Gustónos enforma.
Miguel de Delabra, acompañolu d'unos Canelones de Mariscu con Amenorgamientu nel so Zusmiu. Rellenos de bugre, carabineros y calamar. Vien con unos langostinos con el mesmu zusmiu del bugre. Sabor marino que foi xenial col Rosao, predominen los carabineros (que nos presten) nel platu.
Siguimos con un Izadi Fermentación en Barrica DO La Rioja. 80% Viura y 20% Malvasía. Omar cuntónos que ye l'únicu los sos vinos que nun fai fermentadura maloláutica, porque quieren que se note muncho más l'apurra de los 3 meses de madera. Solamente faen unes 20000 botelles, y entemecen malvasía con uva viura, que ye típica d'aquella zona, porque la viura ye per bona pero pocu arumosa. Un blancu distintu, onde se nota la madera en ñariz, de color mariellu maciu y en boca, la madera da-y cuerpu y cierta untuosidá. Xenial esi puntu d'acidez.
Tomámoslo con un Arroz Meloso de Pitu Caleya al Fumu de Tomillu. Xenial presentación con campana pa caltener l'afumáu. Nótase'l toque de tomillu, pa un arroz que taba bien ricu. Vien acompañáu d'una mazana osmotizada y de un tortín de gamonéu. Mui, mui ricu.
Izadi Selección DO La Rioja. 80% Tempranillo y 0% de Graciano. Graciano ye una uva de la zona que tuvo a puntu d'esapaecer por cuenta que ye poco rentable. Agora l'enclín intenta recuperala y pallo entemezla con tempranillo, que ye yá una uva más que reconocida por toos. Tintu, color coloráu brillante. En ñariz toque importante de vainilla, y en boca entrada fácil y aguanta. A mi resultóme abondo alcohólicu.
Vien acompañáu d'un Bacaláu con Caldu de Cocíu y los sos Garbanzos Garam Masala. Xenial el bacaláu, puntu perfeutu, y vien acompañáu d'un caldu que-y da un toque d'especies que nos prestó enforma. Paecía curry, pero non, ye la Garam Masala, una especia de la India.El nuesu platu favoritu de la nueche.
A éstes anque yá paeza superáu, aprofiar que xenial la combinación del bacaláu col tintu. Si'l platu ye potente, vien-y perbién un tintu.
Acabamos los vinos con Finca Villacreces DO Ribera de Duero. 86% Tempranillo. 10% Cabernet Souvignon y 4% Merlot. Namás 60000 botelles pa un per bon tintu. Faise ente Peñafiel y Valladolid, xusto al lláu de les viñes de Vegasicilia. En ñariz, fruta más maduro que l'anterior y na boca un vinu elegante. Gustónos enforma.
Acompañáronlu d'un platu al altor, Corada de Güe "El Caprichu" con Papada Ibérica y Cremosu de Chalotes. La carne xenial, nótase'l proveedor. Per bona. Potente pero xugosa na boca. Platazu. Anque costó acabalo.
Y siguimos col mesmu vinu pal postre. Micuit de Chocolate con Sorbete d'Arándanos. Un clásicu, pero perricu. Amestu duce-ácidu que foi xenial col vinu.
Percima de platos y vinos, que tuvieron tou a un nivel bien alto, destacar la perfeuta combinación ente dambos. Una cena xenial, nun sitiu preciosu y con una atención perfecta. Delabra nunca fallá
Cuntamos cola presencia d'Omar Miranda, representante d'Artevino, empresa qu'axunta 4 bodegues en distintes zones d'España, ente elles Bodegues Izadi y Finca Villacreces, que son los vinos que pudimos probar na cena. Bodegues Izadi foi fundada en 1987 por un conxuntu d'amigos y empresarios, y adulces fueron creciendo y mercando viñes hasta formar Artevino.
Empezamos con un aperitivo na recepción del restorán, preciosu, por cierto. Con unos Uramaki de Bugre y Kimchi, Gunkan de Tartar d'Atún Coloráu y Futomaki Cruxente de Trucha. Mui ricos, anque'l nuesu favoritu foi'l Futomaki. Acompañáu amás d'un Flor de Vetus DO Rueda, un verdejo qu'entró perbién de mano.
Yá sentaos na mesa, y tres una introducción d'Omar falándonos de les bodegues, traxéronnos el primer vinu. Izadi Larrosa DO La Rioja.. 100% Garnacha de viñeos d'altor. De mano, yá sospriende'l color, rosa palu, muncho más elegante que la mayoría los rosaos que sueles atopar. Golor a pera (sobremanera) y na boca, enfresca, ye saborgosu y nun empalaga. Bona acidez, amás. Gustónos enforma.
Miguel de Delabra, acompañolu d'unos Canelones de Mariscu con Amenorgamientu nel so Zusmiu. Rellenos de bugre, carabineros y calamar. Vien con unos langostinos con el mesmu zusmiu del bugre. Sabor marino que foi xenial col Rosao, predominen los carabineros (que nos presten) nel platu.
Siguimos con un Izadi Fermentación en Barrica DO La Rioja. 80% Viura y 20% Malvasía. Omar cuntónos que ye l'únicu los sos vinos que nun fai fermentadura maloláutica, porque quieren que se note muncho más l'apurra de los 3 meses de madera. Solamente faen unes 20000 botelles, y entemecen malvasía con uva viura, que ye típica d'aquella zona, porque la viura ye per bona pero pocu arumosa. Un blancu distintu, onde se nota la madera en ñariz, de color mariellu maciu y en boca, la madera da-y cuerpu y cierta untuosidá. Xenial esi puntu d'acidez.
Tomámoslo con un Arroz Meloso de Pitu Caleya al Fumu de Tomillu. Xenial presentación con campana pa caltener l'afumáu. Nótase'l toque de tomillu, pa un arroz que taba bien ricu. Vien acompañáu d'una mazana osmotizada y de un tortín de gamonéu. Mui, mui ricu.
Izadi Selección DO La Rioja. 80% Tempranillo y 0% de Graciano. Graciano ye una uva de la zona que tuvo a puntu d'esapaecer por cuenta que ye poco rentable. Agora l'enclín intenta recuperala y pallo entemezla con tempranillo, que ye yá una uva más que reconocida por toos. Tintu, color coloráu brillante. En ñariz toque importante de vainilla, y en boca entrada fácil y aguanta. A mi resultóme abondo alcohólicu.
Vien acompañáu d'un Bacaláu con Caldu de Cocíu y los sos Garbanzos Garam Masala. Xenial el bacaláu, puntu perfeutu, y vien acompañáu d'un caldu que-y da un toque d'especies que nos prestó enforma. Paecía curry, pero non, ye la Garam Masala, una especia de la India.El nuesu platu favoritu de la nueche.
A éstes anque yá paeza superáu, aprofiar que xenial la combinación del bacaláu col tintu. Si'l platu ye potente, vien-y perbién un tintu.
Acabamos los vinos con Finca Villacreces DO Ribera de Duero. 86% Tempranillo. 10% Cabernet Souvignon y 4% Merlot. Namás 60000 botelles pa un per bon tintu. Faise ente Peñafiel y Valladolid, xusto al lláu de les viñes de Vegasicilia. En ñariz, fruta más maduro que l'anterior y na boca un vinu elegante. Gustónos enforma.
Acompañáronlu d'un platu al altor, Corada de Güe "El Caprichu" con Papada Ibérica y Cremosu de Chalotes. La carne xenial, nótase'l proveedor. Per bona. Potente pero xugosa na boca. Platazu. Anque costó acabalo.
Y siguimos col mesmu vinu pal postre. Micuit de Chocolate con Sorbete d'Arándanos. Un clásicu, pero perricu. Amestu duce-ácidu que foi xenial col vinu.
Percima de platos y vinos, que tuvieron tou a un nivel bien alto, destacar la perfeuta combinación ente dambos. Una cena xenial, nun sitiu preciosu y con una atención perfecta. Delabra nunca fallá
No hay comentarios
Publicar un comentario