Publicidá

Blog Archive

Contact Me

Nombre

Correo electrónico

Mensaje

Hover Setting

default

Casa Mori


Direición: Caserío la Collá - La Pola Sieru
Teléfonu: 985 726 425


Facebook: https://www.facebook.com/pages/Casa-Mori/


Calidá: 3/5
Preciu: 16€


Comentarios: La Collá ye un sitiu preciosu. Entamamos una xubida dende La Pola Sieru hasta la Peña Careses, una ruta fácil y algamadiza pasiando pela zona rural de Sieru y, en coronando, la Peña Careses, con unes vistes espectaculares.


Dende Xixón hasta Picos. L'espectáculu visual ye increíble.

A la baxada, averamos a Casa Mori, famosa sidrería de Sieru, sobremanera pol Corderu. Pidimos menú del día de domingu, a 16€.

Zona amplia de terraza (inclusive dalgún valiente atreviose a comer fuera). Dientro zona de barra y comedor.

Ufiertáronnos namás llegar Sidra José Tomás con Casera. ¿Con casera? ¿CON CASERA? Corramos un velu.

Nel comedor ufiertáronnos Ensalada de Gula y Gambes o Pote Asturianu.


La Ensalada nun trunfó. Con un toque de sartén pa que nun tuviera fría, sería meyor. Anque de sabor nun taba mal.


El Pote taba buenísimo. Bien, bien ricu. Compangu caseru, caldu gordo, bona faba ... espectacular.

De segundos había Cachopu o Cruxentes de Merluza.


El cachopu de tamañu pequeñu/normal (recordái que tamos tomando un menú). Ricu de sabor. Pola apariencia paez un San Jacobo, pero vien rellenu de bon xamón. Acompañáu de llechuga y pataques.


Los cruxentes tán ricos. Bon rellenu y bon cruxente.

De postres, toos caseros.


Arroz con Lleche, ricu. Gustónos enforma.

Para beber, camudamos el vinu y la casera por sidra José Tomás (ensin casera). Traénla con un isidrín d'esos del infiernu.

Un pocu más arriba, atópase una ermita prerrománica con un Texu, dende onde tienes unes vistes espectaculares a Xixón. Paga la pena.


No hay comentarios

Publicar un comentario