Pa ello, la Xunta de Galicia y dellos patrocinadores privaos (ente los que s'atopa ún asturianu), ponen a la so disposición una unidá móvil cola campaña "Avérate a Galicia, avérate a Nove", que va percorrer distintos territorios ufiertando 3 showcookings diarios gratuitos abiertos al publico xeneral.
Apocayá tuvieron en Xixón y yo averé a Uviéu tres la so invitación. Allugaron el camión na céntrica Plaza Porlier.
Dientro, tres la presentación de l'asociación Nove y de cada cocineru, pudimos tastiar una creación de caún. Fueron les siguientes:
Empezamos con una Faya de Xarda Afumada con Cebola Encurtida y 5 "Pementas", de Javier R. Ponte, campeón d'España de Cocineros nel añu 2000 y cocineru del Restorán Taky. Una evocación marina con un toque afumáu pa tomar de bocao.
El cocineru ourensano Daniel Guzman, preparó un Pulpu marináu n'Azucre y Pimentón, Cuscús de Calamar y Espluma d'Apio Bola. Una manera distinta de comer pulpu que gustó enforma.
Yayo Daporta, estrella michelín del Restorán Yayo Daporta en Cambados, presentónos el so Fondu Mariño, una maravía de platu con un impresionante sabor a mar. Mio favoritu.
Acabamos con un postre qu'entemecía Bizcuechu de Chocolate con Crema de Llicor.
Pa beber, albariño Martin Codax y el tintu del Bierzu Cuatro Paso. Quiciabes l'únicu fallu de la presentación. Val que Martin Codax sía'l patrocinador del eventu y que pongan el so tintu del Bierzu, pero a lo menos podíen utilizar un tintu gallegu ...
Y bien, yo entrugo, ¿nun vos da envidia? ¿pa cuando daqué paecíu con cocineros asturianos? ¿Por qué nos cuesta tantu xuninos pa promocionar los nuesos productos? ¿Nun mos damos cuenta que ye l'únicu camín y que caún pol so llau va consiguise muncho menos?
No hay comentarios
Publicar un comentario