Teléfonu: +351 282 998 534
Recomendaciones: Pexe
Anterior Visita: http://www.lesfartures.com/2013/12/ruth-o-ivo.html
Calidá: 3/5
Preciu: 30€
Cocina cenciella, basada nel productu, enfocada sobremanera al mar y a preciu bien algamadizu. Fuimos n'Agostu y práuticamente tolos díes taba a españar, asina que si vais, acutái.
Ye un llocal pequeño y lleno de meses, casi cuesta pasar, inclusive tien dalguna na que comes pegao a otros comensales. El serviciu ye rápido, anque atentu. Suélense entemecer turistes con nativos, y l'ambiente ye prestosu.
Empezamos con una Ensalada de Pulpu, con ayu y aceite. Y aceite d'oliva de verdá. El pulpu nel so puntu. Bon platu.
De platu, pidimos una Llubina pa dos persones. Mui bona, fecha a la parrilla. Encantónos.
Vien acompañada d'unes pataques cocíes con verdura, ayu y aceite.
De postre, toos caseros, según nos dicen, Tarta d'Algarroba y Naranxa, distinta y orixinal. Ye un brownie con un toque acedu, a naranxa y apurra vexetal. Gustónos.
Pa beber, encamientu de la casa Monte Mayor Blanco. Vinu blanco del Alentejo que nun namora. En carta teníen dalgunu más decente.
Pagamos, con cafés, 49.83€.
Un bon sitiu pa tomar pexe fresco a un preciu algamadizu, nun ambiente de chigre. Eso sí, últimamente llenu de turistes.
No hay comentarios
Publicar un comentario