Caldillo d'Arriba

Direición: Calle Gabino Alonso, 22 - Lada - Llangréu

Teléfonu: 985 676 916

Recomendaciones: Parrilla

Web: http://www.casacaldillo.com/
Facebook: https://www.facebook.com/caldillodarriba

Calidá: 3/5
Preciu: 22€

Comentarios:  Siempres eché en falta una parrilla de calidá na cuenca'l Nalón, y tuviéronme que llevame afayar Caldillo d'Arriba, en Lada.

Mítica sidrería enorme, con una decoración bien guapa de madera, y unes cristaleres que dan a la parte de tras con unes vistes per guapes. Asitiáu na carretera xeneral de Lada, así que nun hai problema p'aparcar.

Fuimos comer un domingu un grupu d'amigos y taba hasta la bandera, así que ye recomendable acutar.

Tien zona de barra y un salón grande, pero tou na mesma estancia, paeció ver unes escaleres que lleven a dalgún comedor privao, pero nun toi seguru.

Tien dellos palos de sidra, pero namás échase en barra. En mesa  déxente el típicu echador eléctricu o tapón, como nel nuestru casu.

Tienen sonadía les Croquetes de Cecina (suaves y riques, bona ración amás), y les Costielles (impresionantes).

Amás d'eso, pidimos dellos Cachopos pa compartir. Bien ricos, grandes, xugosos y con buen rellenu. Gustó enforma.

Con sidra y dalguna cerveza. Ensin chupitos, salimos a 22€ por cabeza.

Nun hai nenguna referencia a sidra de mesa o sidra brut. Namás sidra natural o vinos clásicos na so carta.