Contact Me

Nombre

Correo electrónico

Mensaje

Hover Setting

default

Tierras Gallegas (Pulpería Mario)


Direición: Baxos del Molinón, Grada Este, Xixón
Teléfonu: 984 19 86 18

Web: http://www.tierrasgallegas.com/


Calidád: 3/5
Preciu: 25

Habituales de la Selmana Negra, onde suel haber cola diaria pa poder cenar so pulpu, abrieron restorán nos remozaos baxos d'El Molinón. Zona revitalizada con dellos locales hosteleros y siempres hasta la bandera. Ayuda, y enforma, el gran aparcamientu disponible.

Llocal grande, espaciosu, modernu. Perbién montáu.
Cocina a la vista, inclusive dende fora al traviés de gran cristalera, que dexa apreciar les grandes olles onde cuecen los pulpos. Gran idea.

Comedores amplios, enriba y embaxo. Munchos camareros, serviciu express y gran rotación nes meses.
Siendo vienres nun tuvimos problemes en sentanos namás llegar. Si ta llenu, dante un avisador pa que puedas tomar daqué pela zona y que cimbla cuando yá ta la mesa llista.
Les reserves namás son pa un mínimu de 4 persones y, como indiquen na so web, tienen vez de mediudía y de nueche. 14.00 y 15.30. 21.30 y 23.00.

La so especialidá son los platos típicos gallegos. Pocu más tienen na carta. Ta bien. Ye a lo que vas.

Yeramos 2 y pidimos los clásicos. 


Como nun puede ser d'otra forma, pa beber, xarra de Ribeiru:

El Pulpu a Feira:

Unos pimientos del padrón p'acompañar. Emprestáronnos porque cuantayá que nun los comíamos. Eso sí, tas esperando a ver a quién-y toca'l que pica...y nun picó nin ún...


Y chipirones a la plancha, grandonos, bonos:


Malapenes pudimos terminalo tou. Les raciones son más qu'abondo pal comensal mediu.

Terminamos con media de quesu de tetilla con marmiellu, atendiendo al bonu encamientu del camareru, y ye que con una entera nun pudiéramos...

Un bon sitiu al que dir comer pulpu y demás platos gallegos.


No hay comentarios

Publicar un comentario