Contact Me

Nombre

Correo electrónico

Mensaje

Hover Setting

default

Sal de Vinos

Direición: C/La Muralla, 36 - Avilés
Teléfonu: 984 832 053


Recomendaciones: Pexe. Croquetes de Chipirones.
Facebook: https://www.facebook.com/SaldeVinos


Calidá: 3/5
Preciu: 30€


Comentarios: Vinatería preciosa asitiada nuna cai céntrica d'Avilés, que da'l parque del Muelle. Decoración en piedra y madera, bien cuidada. Con meses na zona de barra y un comedor na parte de tras.

Local "románticu", ideal pa pareyes, o pequenos grupos. Tienen una mesa pa 6 asitiada al fondu del llocal ideal, asina que si llamáis, intentái faevos con ella. El restu de meses tienen l'espaciu abondu pa nun fadiar, anque'l local tea llenu.


Los fines de selmana suel tar llenu,  asina qu'encamentamos acutar. Averamos 4 persones a cenar un sábadu. Pidimos platos pa compartir a la mesa, queda pendiente volver y probar dalgún platu principal de carta, sobremanera, pexe, un productu que nos indicaron que trabayen perbién. Sía comoquier, ye un local onde perfectamente puedes tapear.


Traxéronnos de aperitivo una Crema de Pote Asturianu. Un aperitivo distintu pa entamar una cena, pero que gustó enforma, sabía a compangu pero en nengún momentu mató'l restu de la comida. Taba suave pero con sabor.


Empezamos con un platu de mar Cazuela de Conches, con virigüetos, navayes, zamburiñes y moxones (ensin cáscara). Nun ta mal, que quiciabes foi lo que menos gustó, ración escasa pa los 4 y calidable ameyorable.



Aprovechamos que taben de Xornaes de Setes pa pidir unes Setes Variáes, per riques, ración abondosa de delles setes con xamón. Sabroses y con un puntu de plancha perfectu.


La idea yera siguir coles xornaes de setes con un Sollombu con Boletus, pero nun-yos quedaba (queda pendiente pa otra), asina que pidimos Presa Ibérica con Puré de Pataca y Compota de Mazana, Perbién la calidá de la carne, y la combinación cola compota, conocida, pero non por ello menos rica. Bon platu.


Y acabamos tirando de les xornaes de setes, ello ye que comentáronnos que de xuru dalgún platu queda na carta debíu al ésitu que taba teniendo, Rabu de Toru con Boletus, pergrande platu. Bona ración de rabu de toru, presentada en forma de idem entemecida la carne colos boletus. Acompañáu d'unes pataques panaderes, unos pimientos y un mueyu bien ricu.


Nun teníamos gana de postres, asina que pasamos directamente a clines caseros de Guindes y Cirueles. Buenísimos los dos, sobremanera el de cirueles polo orixinal del sabor.


Bebimos con un Barbazul 2007, vinu de la Tierra de Cádiz, vinu con una acidez según lo abrimos abondo alta qu'ameyoró col tiempu, anque tampoco namoró. Agua Mondariz.


Bona carta de vinos, anque nenguna referencia a vinu, sidra o cerveza asturiano. Sí que nos indicaron que fora de carta tienen Fanfarria Tintu.

Con cafés, pagamos 112€. Ensin postres y con un par de botelles de vinu. Queda pendiente probalo otru día de carta y daqué de pescao, de xuru xuba de nota. Bona opción si tas per Avilés.


No hay comentarios

Publicar un comentario