Nueva Visita: Gloria Uviéu



Direición: C/Cervantes, 24. Uviéu / Oviedo
Teléfonu: 984 834 243


Recomendaciones: ¡Croquetes y muncho más!


Web: http://www.estasengloria.com/
Facebook: https://www.facebook.com/casadecomidasgloria/
Instagram: [@estasengloria] https://www.instagram.com/estasengloria/


Calidá: 4/5
Preciu: 22€


Anteriores Visites:
http://www.lesfartures.com/2015/12/nueva-visita-gloria-con-juan-luis-garcia.html
http://www.lesfartures.com/2015/06/cena-cata-hidalgo-jerez-en-el-gloria.html
http://www.lesfartures.com/2015/02/gloria.html


Comentarios: Averamos a comer na propuesta más gayolera de la familia Manzano n'Uviéu (el de Xixón inda nun lo probemos). La llibertá qu'ufierta, los precios, el tener una esperiencia lo más cercana posible a la escelencia de la cocina de los Manzano son parte de la clave del so ésitu. Y eso nótase, siempres que vamos pásanos lo mesmo, el local enllénase, a pesar de ser grande y tener bastantes meses. ¡Ah! y a pesar d'esos negros na decoración.

Otru de los detalles que nos encanten ye poder iguar la comida probando raciones y medies raciones (inclusive añediría 1/3 para poder probar más). Sé que complica les coses na cocina, pero da enforma xuegu para poder probar coses distintes y nun tirar siempres de lo clásico.


Nós tiramos de clásicos. Díbamos a lo que díbamos y cumplió a esgaya.
Comimos dos persones. Mesa desnuda, ensin manteles.


D'entrante, Media Ración de Croquetes. Yo nun sé si ye yá'l subconsciente, pero tán bonísimes. Nun lleguen a la escelencia de los hermanos mayores, pero averen enforma. Media ración son 8 croquetes, más que suficiente pa dos persones.


Y acabamos con una Ración d'Arroz con Pitu Caleya. Perfecta tamién pa dos persones. L'arroz perfecto. El pitu desfaise, y tien esi sabor más fuerte ya intensu (amás del color) de los pitos de la casa. Ración pa repitir.


Daba pa postre, pero aguantamos. Asina que pasamos directamente a los cafés.


Para beber, Sidra Brut Reserva Prau Monga del Llagar Viuda d'Angelón. Supongo que yá veríais les nueves botelles, col gordón coronando'l pescuezu la botella. Dende l'añu pasáu yá toles botelles son Reserva, con más de 14 meses de reposu para llograr la meyor sidra. Un productu indispensable n'Asturies y que va perfectu col arroz con pitu. A nós encántanos.

Otru detalle a resaltar ye la variedá en carta de productu asturianu. Sidra y vinu. Lo llóxicu para un llocal qu'arrecibe munchos turistes visitantes y que quieren probar productu asturianu.

Pagamos 45€ en total. La sidra cuesta 14€.

Como veis, directu yá'l granu. Llegar, pidir los clásicos de la casa, esfrutar como nanos y pagar un preciu moderáu pa'l nivel qu'ufierta la casa. Claro qu'hai coses ameyorables, y que pensamos que'l llocal tendría de tener un aire inda más gayoleru p'averar la so cocina a xente que nun tá acostumada a ello, pero adulces, ¿non?

0 comentarios :

Publicar un comentario