Teléfonu: 985 944 690
Calidá: 3/5
Preciu: 11€
Comentarios: Ponga acaba de ser declarada apocayá Reserva de la Biosfera. Un paraísu non tan conocíu y ensin la esplotación que tienen otros parques naturales n'Asturies, y que merez la pena visitar. Ta llenu de pueblinos preciosos, de montes emblemáticos con xubíes épiques y d'escobios como'l que vos vamos a falar güei.
Los Beyos en llingua asturiana ye Foz o Escobiu , polo tanto, dicir en castellan "Desfiladero de los Beyos" ye una redundancia innecesaria; como Cascada del Tabayón o Cascada d'A Seimeira.
Asina que fuimos a percorrer Los Beyos los Andamios dende Güera. La carretera pa llegar ye impresionante, y namás el percorríu yá paga la pena. Dexamos el coche aparcáu nel pequenu parking del restorán, que va ser entamu y fin de la nuesa ruta. 4kms día + 4kms vuelta. Más fácil imposible.
Dende Güera puedes faer dos rutes, los dos igual de recomendables. Una hasta Viboli, que foi la que nós fiximos, y otra hasta Casielles, otru preciosu pueblu al que s'apuerta al traviés de 23 curves impresionantes a la manera de Lombard Street en San Francisco.
El paséu hasta Viboli tien un par de repechinos y ye d'una guapura impresionante, una foz escavada ente la roca, siguiendo'l cursu del ríu Cándano (afluente del Seya), unes vegaes tan embaxo que namás vas oyer el so rumor, y otres al par d'él onde vas poder apreciar pequenes cascaes. Escontra baxo, el ríu y los sos rellabicos, escontra riba, los impresionantes montes que nos emponen el camín. Y mientres el camín, dalgún ciclista y poco más, a pesar de ser Agostu.
Adulces, va abriéndose Viboli, un pequenu pueblu ente montes d'apenes 5 o 10 habitantes, anque empieza a haber dalguna casa de turismu rural. Estremase'n dos barrios, cimeru y baxu, caún col so encantu, pero'l principal atractivu del pueblu, amás de les espectaculares vistes, son los Horros Beyuscos.
Únicos ente los horros asturianos por tener una cubierta a dos enagües en cuenta la típica a cuatro. Son los horros primitivos, precursores de los actuales, y ensin el típicu corredor que caracteriza los horros asturianos.
De menor tamañu por cuenta la orografía la zona (si vais, vais pescancialo, imposible atopar daqué llanu) y declaraos Bien d'Interés Cultural por cuenta la so antigüedá. Namás hai 17 inventariaos n'Asturies (en Viboli hai 3 y la mayoría na zona de Ponga). A éstes dalgún ta que se cai, como la mayoría los horros d'Asturies, y si conocéis el pliegu de condiciones qu'impon el Principáu pa la so igua vais entender que casi naide pueda facelo o da-yos un usu turísticu. Una pena.
Un espectáculu esfrutar d'eses vistes y ver cómo para'l tiempu en Viboli. Pueblos únicos onde paez recular el tiempu, preciosos, pero con unes condiciones de vida bien dures.
Volvemos pel camín d'ida, con bañu incluyíu en dalguna poza con cascada.
Nel puntu d'entamu, atópase'l restorán Puente Huera. Con una terraza con unes precioses vistes, y puntu indispensable de parada de montañeros que van pela zona. Tienen zona de chigre onde amás puedes mercar quesu los Beyos.
El quesu de los Beyos ye una IXP, a partir de lleche de vaca, cabra o oveya; anque casi tolos que vas atopar son de vaca. Son quesos pequenos, de testura rugosa y dacuando, con un toque de mugor. Intensidá media y que s'utiliza muncho na cocina porque nun acaba matando'l sabor del acompañamientu.
Comimos el Menú del Día, un sábadu. 11€.
De primeru, Ensalada Rusa Clásica. Rica.
Fabada. Nidia, apúrrenla emplatada, anque nos entruguen dos o trés vegaes si queremos repitir, cosa que faemos, porque taba bien bona.
El compangu bien ricu, con un toque picantín, anque repito, ye una fabada nidia.
De segundos, Xata Guisada, con pataques frites. Bien bona. La carne desfaise sola.
Escalopines al Quesu de Los Beyos. Buenísimos. Carne tienro yá'l quesu apurre pero ensin matar el platu.
De postre, Crema de Quesu los Beyos con Miel. Una especie de requesón buenísimo y suavín.
Crema de Quesu Los Beyos con Sirope de Chocolate. Igual, pero col toque de chocolate.
Y Flan Casero.
Con cafés, agua y unes cerveces, pagamos 11€ per cabeza. Como veis, impagable. Y comer con eses vistes ...
Un paséu facilón, con unes vistes increíbles, un pueblín preciosu y metanes una foz enllena de pequenes cascaes y xanes, acabando nuna fartura nun restorán metanes el monte con una rcp esceicional. Paga la pena.
Preciu: 11€
Comentarios: Ponga acaba de ser declarada apocayá Reserva de la Biosfera. Un paraísu non tan conocíu y ensin la esplotación que tienen otros parques naturales n'Asturies, y que merez la pena visitar. Ta llenu de pueblinos preciosos, de montes emblemáticos con xubíes épiques y d'escobios como'l que vos vamos a falar güei.
Los Beyos en llingua asturiana ye Foz o Escobiu , polo tanto, dicir en castellan "Desfiladero de los Beyos" ye una redundancia innecesaria; como Cascada del Tabayón o Cascada d'A Seimeira.
Asina que fuimos a percorrer Los Beyos los Andamios dende Güera. La carretera pa llegar ye impresionante, y namás el percorríu yá paga la pena. Dexamos el coche aparcáu nel pequenu parking del restorán, que va ser entamu y fin de la nuesa ruta. 4kms día + 4kms vuelta. Más fácil imposible.
Dende Güera puedes faer dos rutes, los dos igual de recomendables. Una hasta Viboli, que foi la que nós fiximos, y otra hasta Casielles, otru preciosu pueblu al que s'apuerta al traviés de 23 curves impresionantes a la manera de Lombard Street en San Francisco.
El paséu hasta Viboli tien un par de repechinos y ye d'una guapura impresionante, una foz escavada ente la roca, siguiendo'l cursu del ríu Cándano (afluente del Seya), unes vegaes tan embaxo que namás vas oyer el so rumor, y otres al par d'él onde vas poder apreciar pequenes cascaes. Escontra baxo, el ríu y los sos rellabicos, escontra riba, los impresionantes montes que nos emponen el camín. Y mientres el camín, dalgún ciclista y poco más, a pesar de ser Agostu.
Adulces, va abriéndose Viboli, un pequenu pueblu ente montes d'apenes 5 o 10 habitantes, anque empieza a haber dalguna casa de turismu rural. Estremase'n dos barrios, cimeru y baxu, caún col so encantu, pero'l principal atractivu del pueblu, amás de les espectaculares vistes, son los Horros Beyuscos.
Únicos ente los horros asturianos por tener una cubierta a dos enagües en cuenta la típica a cuatro. Son los horros primitivos, precursores de los actuales, y ensin el típicu corredor que caracteriza los horros asturianos.
De menor tamañu por cuenta la orografía la zona (si vais, vais pescancialo, imposible atopar daqué llanu) y declaraos Bien d'Interés Cultural por cuenta la so antigüedá. Namás hai 17 inventariaos n'Asturies (en Viboli hai 3 y la mayoría na zona de Ponga). A éstes dalgún ta que se cai, como la mayoría los horros d'Asturies, y si conocéis el pliegu de condiciones qu'impon el Principáu pa la so igua vais entender que casi naide pueda facelo o da-yos un usu turísticu. Una pena.
Un espectáculu esfrutar d'eses vistes y ver cómo para'l tiempu en Viboli. Pueblos únicos onde paez recular el tiempu, preciosos, pero con unes condiciones de vida bien dures.
Volvemos pel camín d'ida, con bañu incluyíu en dalguna poza con cascada.
Nel puntu d'entamu, atópase'l restorán Puente Huera. Con una terraza con unes precioses vistes, y puntu indispensable de parada de montañeros que van pela zona. Tienen zona de chigre onde amás puedes mercar quesu los Beyos.
El quesu de los Beyos ye una IXP, a partir de lleche de vaca, cabra o oveya; anque casi tolos que vas atopar son de vaca. Son quesos pequenos, de testura rugosa y dacuando, con un toque de mugor. Intensidá media y que s'utiliza muncho na cocina porque nun acaba matando'l sabor del acompañamientu.
Comimos el Menú del Día, un sábadu. 11€.
De primeru, Ensalada Rusa Clásica. Rica.
Fabada. Nidia, apúrrenla emplatada, anque nos entruguen dos o trés vegaes si queremos repitir, cosa que faemos, porque taba bien bona.
El compangu bien ricu, con un toque picantín, anque repito, ye una fabada nidia.
De segundos, Xata Guisada, con pataques frites. Bien bona. La carne desfaise sola.
Escalopines al Quesu de Los Beyos. Buenísimos. Carne tienro yá'l quesu apurre pero ensin matar el platu.
De postre, Crema de Quesu los Beyos con Miel. Una especie de requesón buenísimo y suavín.
Crema de Quesu Los Beyos con Sirope de Chocolate. Igual, pero col toque de chocolate.
Y Flan Casero.
Con cafés, agua y unes cerveces, pagamos 11€ per cabeza. Como veis, impagable. Y comer con eses vistes ...
Un paséu facilón, con unes vistes increíbles, un pueblín preciosu y metanes una foz enllena de pequenes cascaes y xanes, acabando nuna fartura nun restorán metanes el monte con una rcp esceicional. Paga la pena.
No hay comentarios
Publicar un comentario