Contact Me

Nombre

Correo electrónico

Mensaje

Hover Setting

default

AsturSabor


Teléfono: 669 069 211 / 649 163 948
Web: https://astursabor.com/
Facebook: https://www.facebook.com/Astursabor/
Twitter: [@ASTURsabor]: https://twitter.com/ASTURsabor/
Intagram: [@astursabor]: https://www.instagram.com/astursabor/


Comentarios: Judith Naves tien namás 25 años, y yá lleva 4 asoleyando que, con muncho trabayu ya ilusión, y a pesar de toles torgues del mundiu, el sector gastronómicu asturianu, venceyáu a la ganadería propio, tien futuru. 

Fai casi 5 años, Judith fundó AsturSabor, anque tou empezó cuando en 1964 los sos güelos Delfina y Julio entamaron el Chigre Restaurante Naves, testigu que darréu recoyeron los sos padres, y qu'evolucionó cuando en 2006 crearon una empresa de catering Judith, qu'anguaño sigue activa. 

Judith quixo dir un pasu más allá, y crear una llínea de platos cocinaos de races autóctones en conserva. Pa ello, crian en Les Regueres races autóctones asturianes, Gochu Asturcelta, Pita Pinta, Potru Asturcón, Tenral Asturiana de los Valles y de Monte, Corderu Xaldu, y la Cabra Bermeya; n'estensivu, esto ye, en llibertá y ensin piensos. 

Darréu, ellaboren los sos platos na nave que tienen nel polígonu de Valnalón, en La Felguera, de manera artesanal, ensin conservantes y ensin gluten. Y lo meyor de too, tán perricos. Namás has de calecer nel microondes o al bañu maría y tienes tol sabor de la to güela, con una carne increíble, en platu. 

Tenral Asturiana de los Valles IXP, Potru Asturianu al Vinu de Cangas, Tenral Asturiana del Monte IXP, Gochu Asturcelta a la Sidra, Caldereta de Corderu Xaldu (ensin güesu) o Caldereta de Corderu Bermeyu son dalgunes de les sos recetes. En tarros de 430grs (ideal pa dos persones) o en llates de 1kg. 

Apocayá acaben d'entrar a formar parte de la marca calidable Alimentos del Paraíso, y a Judith lluéven-y los premios como moza entamadora, tanto n'Asturies como n'España. Nel Festival de la Cerveza de La Felguera inauguraron la so nueva Food Truck, qu'acaben de construyir gracies a un crowfounding. Y al empar siguen entamando eventos y bodes cola so empresa de catering. Como véis, nun para. Tou un exemplu a siguir, qu'esperemos que nunca arrenuncie poles torgues burocrátiques que-y ponen dende'l Principáu.


No hay comentarios

Publicar un comentario