Teléfonu: 984 29 71 82
Twitter: [ @eltomatebistro ] https://twitter.com/eltomatebistro
Visita anterior: http://www.lesfartures.com/2015/07/el-tomate-bistro.html
Calidá: 4/5
Preciu: 35€
Arrexuntamos equí les 2 últimes visites a esti Tomate Bistró que, como tanto nos presta y tan a mano queda, tamos faciendonos asiduos.
Yá esplicamos na entrada de la visita anterior cuanto nos presta la tranquilidá del llocal y la fantástica y cercana atención.
Y agora podemos destacar que van camudando ya introduciendo nueves creaciones según temporada y siempres ufierten bonísimos fores de carta, sobremanera pexes del día.
Visita anterior: http://www.lesfartures.com/2015/07/el-tomate-bistro.html
Calidá: 4/5
Preciu: 35€
Arrexuntamos equí les 2 últimes visites a esti Tomate Bistró que, como tanto nos presta y tan a mano queda, tamos faciendonos asiduos.
Yá esplicamos na entrada de la visita anterior cuanto nos presta la tranquilidá del llocal y la fantástica y cercana atención.
Y agora podemos destacar que van camudando ya introduciendo nueves creaciones según temporada y siempres ufierten bonísimos fores de carta, sobremanera pexes del día.
Amás, bien!!!, añadieron a so carta de vinos referencies asturianes. Colo que pudimos apreciar entá meyor los sos platos acompañándolos d'un blancu de Bodegues Obanca, La Descarga, del que tamién tienen el tintu:
Como entrante de cortesía, tán poniendo una Espluma de tortiella de pataca que ye espectacular. Encamenten coyer de baxo pa riba pa entemecer la cebolla pochada ya'l güevu llíquidu que tán no fondero cola increíble espluma de pataca. Comeríamos un platu completu:
Probemos la Ensalada “El Tomate”, con tomate de los bonos, de los que cuesta atopar anguaño, xeláu que va alliñando la ensalada y bonitu del norte. Buenísima pa entamar:
Siguimos con un nuevu platu de temporada, Cogordes sobre maíz cruxente y sos contrastes, una especie de tortu finu bien cruxente con bonos cachos de distintes cogordes perbién alliñaos. Gustó enforma:
Y pidimos un fora de carta con pexe'l día, Pixín con crema de calabaza, qu0ufiertaron diciendo que namás-yos quedaba la cabera ración. Asina que nun duldamos y foi un aciertu plenu. Tienen el detalle, que siempres s'estima y marca diferencies, d'emplatar pa 2 cuando pides un segundu pa compartir.
Productu, sabor, presentación y acompañamientos de 10. Otru platazu:
Terminamos con Torrexa pasiega, romeru y yogur. Espectacular. Pocu más que cuntar. Testura, sabores, tou. Ganes de comelo de nuevu:
Productu, sabor, presentación y acompañamientos de 10. Otru platazu:
Terminamos con Torrexa pasiega, romeru y yogur. Espectacular. Pocu más que cuntar. Testura, sabores, tou. Ganes de comelo de nuevu:
Total de 72€ que, con botella de vinu y 2 postres, nun ta nada mal. Ensin dulda, ún de les meyores opciones nel centru de Xixón col plus de que siempres sorprender col fora de carta del pexe'l día.
Volvimos apocayá, tres les sos vacaciones ya introduciendo delles novedaes na carta que nun duldamos en probar.
Una d'elles son estes Alcachofes Confitaes con Pil-Pil y Güevos de Falpayar. Una pasada. Platu que nun ye habitual atopar, pol trabayu que lleven les alcachofes, y al que-y dieron un toque xenial col Pil-Pil:
Compartimos esti Gochucu Confitáu con Emulsión de Piñones qu'emplataron por separáu. Tolo que diga queda curtiu. La pieza esgüesada, el turráu de la piel, el puntu perfeutu, la emulsión increíble ya'l toque la granada. Primer vegada que probábamos les carnes que cocinen y vaya sorpresa:
Y pa terminar, otra de les novedaes, una Tarta de Quesu que duldamos si pidir porque yá ye difícil sorprender con estes tartes y hai yá bien bones en dellos locales, pero…otru aciertu. De nuevu una presentación que yá convida y un amiestu de sabores y testures xenial:
Cómo presta El Tomate...
No hay comentarios
Publicar un comentario