A Fábrica dos Pastéis

Direición: Rua Alcárcova de Cima, 10 - Évora - Portugal
Teléfonu:  282 341496



Facebook: https://www.facebook.com/fabricadospasteis/


Calidá: 4/5
Preciu: 3€


Comentarios: ¿Daquién nun conoz los famosos Pastéis de Belém? Lisboa ye preciosa, pero namás paga la pena averase a la Casa Pastéis de Belém a probar los sos famosos de nata.

Nós esta vegada nun fuimos a Lisboa, pero sí averamos a Évora a otra casa famosa en tol país y podemos afirmar que, polo menos, iguala'l nivel de los pasteles y l'encantu del llocal. Y amás, con muncho menos xentíu.


Escondíu nuna d'eses vinielles camín de la Catedral, onde malapenes entren dos persones, atopase A Fábrica dos Pastéis, un llugar encantador y maraviyosu que dexónos dafechu namoraos.

Según entres, una zona de barra de mármol, con un mostrariu de los pasteles que tienen. Una zona con delles meses, escaleres escontra'l bañu que ta nel pisu cimeru y una pequena puerta onde s'abre un gran salón


Según vimos na publicidá, realicen conciertos de Fado toles selmanes n'horariu de tarde/nueche. Nun pudimos esfrutalos, pero tien que ser una auténtica gociada que vamos probar en cuanto podamos. Amás, non solo de café y pastéis vive l'home; tamién tienen carta con cencielles tapes salaes y cócteles variaos, con y ensin alcohol.


La decoración ye clásica pero con muncho encantu, enllena de detalles preciosos. El llocal ta bien curiáu.

Almorzamos un café con lleche (en Portugal, curien polo xeneral muncho más el café qu'equí) con unos Pastéis de Nata. Y dicir que taben buenísimos ye pocu.


El cruxente de fora d'hoxaldre cola nata que se desfai ... a cencielles perfeutu.

Tanto nos gustaron, qu'a los dos selmanes, volviendo de vacaciones, volvimos esviar escontra Évora a repetir esperiencia. Una maravía.


Dos cafés y 4 pastiéis por 6,40€. ¿Quién diz que la escelencia ye cara? 

0 comentarios :

Publicar un comentario