Restaurante Abrelatas: Cata Guiada y Charra de la Bodega Canguesa Vitheras

RESTAURANTE ABRELATAS

Direición: Ería del Hospital, 5 - La Pola Sieru
Teléfonu: 984 182 245


Web: http://www.abrelatas.info/
Facebook: https://es-es.facebook.com/abrelatas.restaurante
Twitter: [@abrelaTTas] https://twitter.com/abrelattas


BODEGA VITHERAS

Direición: Carbachu - Cangas del Narcea
Teléfonu: 917 080 450 / 676 921 948

Web: http://vitheras.es/
Facebook: https://www.facebook.com/Vitheras
Twitter [@vitheras]: https://twitter.com/vitheras


Interesante entamu la que ta realizando Borja del Abrelatas p'asoleyar productos asturianos de primera, y al empar, afayanos la so maraviyosa cocina.

Por cuenta la presentación de la nueva añeda 2015 de Vitheras, de la que yá vos falamos EQUÍ, axuntamos nel Restorán Abrelatas. L'alcuentru consistía nuna esplicación del proyectu Vitheras y una cata guiada de los sos vinos, más una cena posterior con ellos.


Carlos Ron, direutor de la bodega, esplicónos la hestoria de la mesma y de los vinos en Cangas. La so familia, con manuscritos en casa qu'atestigüen que lleven rellacionaos col vinu dende 1556, lleva acomuñada al vinu too la vida, y ésta ye la segunda añada que llancen al mercáu con una fuerte inversión.


Amás, cuntar na familia con María del Carmen Martínez Rodríguez, investigadora del CSIC y principal cabezalera de la recuperación de les distintes variedaes d'uva autóctona asturiana, supon un sofitu de primera mano a un proyectu que xune a una familia onde cada ún apurre la so orientación profesional, dende los güelos hasta los nietos.

La bodega anguaño dio un saltu espectacular y pasó de les 700 botelles en total, a 20000. 10000 de cada ún de sos dos vinos. Un pasu de xigante pa un vinu que sigue la filosofía de la viticultura heroica, con recueya d'uva a mano y ensin apenes maquinaria que los ayude por cuenta la orografía de Cangas.


Maite Lomba Verde, direutora técnica de la bodega, guiónos nuna cata onde nos presentaron los sos productos.


Entamamos col Vitheras 2014, del qu'apenes queden botelles y del que yá vos falamos equí. Un vinu que gana inda más con 1 añu en botella. con intensidá d'arume, a mazana madura, cítricos ya inclusive piescos. En boca, ye un vinu llargo, frescu pero que perdura y qu'a la fin dexa un amargor típicu del albarín blancu. Lleva un 15% de moscatel (de granu menudu, uva autóctona asturiana, nun confundir col moscatel), que potencia'l albarín blancu. Foi'l vinu col que namoramos d'esta bodega fai yá 1 añu.

De siguío presentáronnos la so nueva añada 2015. Una añada qu'inda ta ensin estabilizar y penerar. Y que nin siquier ta embotellada. Foi un privilexu poder probar el vinu asina.



Vitheras 2015. Por mor qu'inda ta en procesu, tien un toque más acedu que l'anterior, que va dir colando, anque esti vinu tien menos moscatel que l'anterior añada y ensin dulda influi. Sigue siendo un vinu arumoso, con un toque a mazana y fruta blanco. Más frutal que floral. Y na boca ye un vinu untuoso, inda más carnosu que l'anterior. Buenísimo.


Lucia 2015. So vinu rosáu. Imposible probar l'añada de 2014 yá qu'escosaron toles botelles. Ye'l primer vinu rosáu fechu n'Asturies, y polo tanto, daqué dafechu orixinal. Fechu a base d'Albarín Negru, Verdexo Negru y Mencía. Intensu en ñariz, con un toque mui importante a artimora; na boca ye un vinu fresco, con una acidez equilibrada y qu'entra solo.

Acabada la cata, entamó l'espectáculu de Borja. Y probemos tou colos dos vinos. La conclusión ye abondo curiosa.


Comenzamos con un Choscu de Tinéu I.G.P., con un toque picante que pidió a gritos el rosáu. Buenísimo.


Empanada Casera de Guisu de Xabalín. Menudu espectáculu. Mio platu favoritu de la nueche. Impresionante. Tamién nos pidió a gritos esi rosáu.


Fritos de Salmón en Tempura de Gochu y Mueyu Agriduz Fruta Colorao. Xenial esi salmón cola testura del rebozáu. Equí, ensin dulda, Vitheras blancu.


De siguío, la versión de Borja del Cachopu de Xata Asturiana I.G.P. con Tomate Asturianu, Vidiago de Llanes y Xamón Ibéricu. Una presentación fantástica pa un cachopu buenísimo. Con pataques p'acompañar y un sabor intenso a quesu.


Los amantes del cachopu yá tán tardando en probalu. Equí, volvimos pasar al rosáu.


Acabamos con Arroz con Lleche Casero, de los bonos, de los que saben a lleche.


¿Con qué vinu gustónos más la comida? Polo xeneral col Rosáu, quiciabes debíu al tipu de cena que diseñó Borja, más potente. A pesar d'eso, somos unos completos namoraos del Blanco. Pero foi una sorpresa cómo se portó'l rosáu, una prestosa sorpresa.


Gran nueche. Vamos siguir esfrutando de les distintes combinaciones que nos ufierta Borja cola so maraviyosa cocina.

0 comentarios :

Publicar un comentario