Publicidá

Blog Archive

Contact Me

Nombre

Correo electrónico

Mensaje

Hover Setting

default

Sidrería La Llera

Señes: Calle el Cruce, 1 - Posada de Llanera
Teléfonu: 985 770 575


Facebook: https://www.facebook.com/Sidreria-La-LleraLlanera
Instagram [@sidrerialallera]:  https://www.instagram.com/sidrerialallera


Calidá: 3/5
Preciu: 23€


Comentarios:  Llevaba tiempu sientiendo falar bien de Sidrería La Llera, pol so tratu cola sidra y pola so cocina.

Asitiada a la entrada de Posada, so unes portalaes y con terraza al sol pel branu (anque dea a la carretera). Sidrería enorme con una decoración tradicional, bien cuidada. Según entres, zona de barra con meses altes pa tomar daqué. Sidra como epicentru del local, Peñón, Cortina, Trabanco y Villacubera (Cortina DOP). Amás cunten con ún de los meyores echadores de sidra d'Asturies, asina que sidra perbién tratada y a perfecta temperatura. Echen sidra en tol local, lo que siempres ye un puntu a favor.


Na parte de tras, ampliu salón, con otru salón nun pequeñu altu.

Comimos menú de sábadu, y cola sidra salimos a 23€ per cabeza. Perbon menú, y ritmu perfectu de sidra.


Pidimos una Fabada, que taba bien bona. Trupa, gorda, y con bon compangu. Gustónos.


De segundu, pidimos dos coses pa probar. Callos, que taben bien, anque traxeronmos el picante aparte pa qu'echáramos al gustu. Un pocu suaves pal nuesu gustu, pero menudos y con pataques frites aparte.


Que siempres s'agradecen.


Y Sollombu de Gochu con Mueyu d'Ayu. Bonos cachos, con un mueyu nidiu, y con base de pataques frites. Bien ricu.


De postre, Tarta la Güela. Bien bona.


Y Mousse caseru de Llimón. Bien ricu tamién.


Pa beber, Sidra Peñón. De la sidra más "fuerte" qu'hai nel mercao.

Gran sitiu. Gustóme enforma.


No hay comentarios

Publicar un comentario