Publicidá

Blog Archive

Contact Me

Nombre

Correo electrónico

Mensaje

Hover Setting

default

Posada Real La Carteria


Señes: Calle Rúa, 16 - Puebla de Sanabria
Teléfonu: 980 620 312


Web: http://www.lacarteria.com/
Facebook: https://www.facebook.com/lacarteria


Calidá: 4/5
Preciu: 25€


Comentarios: La Puebla Senabria ye un pueblu medieval preciosu, llenu de cais empedraes, cases antigües iguaes, palacios ya inclusive un castiellu presidiendo no más alto.


Ye una maravía perdese peles sos cais, asomase a la so muralla pa ver el ríu Tera (afluente del Esla. Antiguu ríu Ástura, orixe de la palabra ástures y del nome Asturies), tomar daqué na Plaza Mayor, visitar so castiellu, y de xacíu, parar a comer na Posada Real La Carteria.


La Posada ye un hotel de 5 estrelles, con unes habitaciones espectaculares en piedra y madera, mini-spa y unes vistes impresionantes. Pero tamién tien serviciu de restorán que merez enforma la pena.


De mano, baxes per unes escaleres, con lluz sele, parés de piedra y techos de madera, hasta la zona onde ta'l chigre.


Barra pequena, meses pa sentase a tomar daqué, y cocina al fondu. Lo meyor, la pequena puerta pela que sales a la puerta trasera de la posada, que da a l'antigua muralla del Castiellu de los Condes de Benavente. Unes vistes increíbles y una terraza pa sentase y dexar pasar les hores. Bien recomendable.

Baxando escaleres, un mini salón con meses y otros dos más embaxo. Tou so tierra, con piedra, lluz sele, y ambiente bien relaxáu. Ye una maravía.


Pa comer, pidimos Rabu de Xata al Edilius. Bonísimo, y con una base de pataques.


Y Sollombu de Venáu con Crema de Cogordes y Castañes. Una de les especialidaes de la casa. Con pataques y dos castañes. La carne desfaise, bien rica.

Pa beber, agua y dos copes de Colegiata.


De postre, unes Natielles caseres pa compartir, que taben riques.


El café, como vos dixi, fuera viendo unes vistes precioses.


Pagamos por tou 49,60€. Mui recomendable.


No hay comentarios

Publicar un comentario