Señes: Carretera AS-246, Km 8, 33189 Alto de la Madera, Gijón/Xixón
Teléfonu: 985 168 248
Calidá: 3/5
Preciu: 27€
Comentarios: Restorán de comida tradicional a namás 8kms de Xixón, nel Altu la Maera con unes vistes precioses. Antigua carretera La Pola a Xixón, con tol tránsitu de tráficu que suponía, y sustituída agora pela Autovía Minera. Merez la pena esviase pa visitar Casa Narciandi.
Casa senciella de planta baxa, con coches aparcáios en cualquier rellabicu onde nun fadie abondo, porque fuimos de domingu y taba llenu hasta los topes. Lo cual fixo que la esperiencia nun fuera tolo prestosa que debería. A pesar que la comida gustónos enforma.
Según entres, zona de barra inutilizada porque ta llena de meses, y a la derecha, otru comedor tamién llenu de meses. En mediu, previu pasu, los baños y la cocina. Y continuu trasiegu p'atender tou.
Traxéronnos un aperitivu namás sentanos.
Comimos 6 persones, pidimos tou pa compartir. D'entrante pidimos Fabada y Pote.
La fabada ye unu de los sos platos estrella, de fechu quedaron finalistes nel Concursu a la Meyor Fabada del Mundu 2018. Foi'l mio platu favoritu de tolos que probemos, y ensin dulda, una de les mios favorites de les que probé en restoranes. Faba esceicional, grande, tienra, con bon caldu, gordu, y un compangu esceicional. Pidimos dos raciones.
El Pote taba tamién bien bonu. Pero nun llegó al altor de la Fabada. Entá con tou, recomendable. El mesmu compangu igual d'esceicional.
De segundos, pidimos otru de los sos platos estrella pol que son bien conocíos. Callos. Taben bien ricos, a mi gustáronme muncho, anque na mesa comentaron que faltaba un poco de picante.
Pitu Caleya con Patatinos. Pitu de verdá, y bien fecho. Bona ración, amás.
De postres, toos caseros, pidimos Arroz con Lleche. Bien bonu.
Tarta d'Ablana. Trupa y sabrosa. Bien rica.
Flan de Quesu. Nidiu.
Pa beber, Pago de los Capellanes, agua y dalguna cerveza.
Nes meses ufierten sidra natural con tapón. Y na carta nun tienen nenguna referencia de vinos, nin cerveza asturiana. Anque nel mostrariu de botelles de vinu que tienen na barra sí qu'hai dalguna botella antigua de Cangas. Ensin dulda, daqué a ameyorar.
Salimos a 27€ per cabeza.
Lo que menos nos gustó foi'l tiempu escesivu ente platu y platu. La comida allongóse 3h, fíxose amena pola compañía, pero tol salón taba quexándose del retrasu, ensin recibir nenguna esplicación. Cocina bien bona, la esperiencia yá nun foi tantu.
Comentarios: Restorán de comida tradicional a namás 8kms de Xixón, nel Altu la Maera con unes vistes precioses. Antigua carretera La Pola a Xixón, con tol tránsitu de tráficu que suponía, y sustituída agora pela Autovía Minera. Merez la pena esviase pa visitar Casa Narciandi.
Casa senciella de planta baxa, con coches aparcáios en cualquier rellabicu onde nun fadie abondo, porque fuimos de domingu y taba llenu hasta los topes. Lo cual fixo que la esperiencia nun fuera tolo prestosa que debería. A pesar que la comida gustónos enforma.
Según entres, zona de barra inutilizada porque ta llena de meses, y a la derecha, otru comedor tamién llenu de meses. En mediu, previu pasu, los baños y la cocina. Y continuu trasiegu p'atender tou.
Traxéronnos un aperitivu namás sentanos.
Comimos 6 persones, pidimos tou pa compartir. D'entrante pidimos Fabada y Pote.
La fabada ye unu de los sos platos estrella, de fechu quedaron finalistes nel Concursu a la Meyor Fabada del Mundu 2018. Foi'l mio platu favoritu de tolos que probemos, y ensin dulda, una de les mios favorites de les que probé en restoranes. Faba esceicional, grande, tienra, con bon caldu, gordu, y un compangu esceicional. Pidimos dos raciones.
El Pote taba tamién bien bonu. Pero nun llegó al altor de la Fabada. Entá con tou, recomendable. El mesmu compangu igual d'esceicional.
De segundos, pidimos otru de los sos platos estrella pol que son bien conocíos. Callos. Taben bien ricos, a mi gustáronme muncho, anque na mesa comentaron que faltaba un poco de picante.
Pitu Caleya con Patatinos. Pitu de verdá, y bien fecho. Bona ración, amás.
De postres, toos caseros, pidimos Arroz con Lleche. Bien bonu.
Tarta d'Ablana. Trupa y sabrosa. Bien rica.
Flan de Quesu. Nidiu.
Pa beber, Pago de los Capellanes, agua y dalguna cerveza.
Nes meses ufierten sidra natural con tapón. Y na carta nun tienen nenguna referencia de vinos, nin cerveza asturiana. Anque nel mostrariu de botelles de vinu que tienen na barra sí qu'hai dalguna botella antigua de Cangas. Ensin dulda, daqué a ameyorar.
Salimos a 27€ per cabeza.
Lo que menos nos gustó foi'l tiempu escesivu ente platu y platu. La comida allongóse 3h, fíxose amena pola compañía, pero tol salón taba quexándose del retrasu, ensin recibir nenguna esplicación. Cocina bien bona, la esperiencia yá nun foi tantu.
No hay comentarios
Publicar un comentario