Publicidá

Blog Archive

Contact Me

Nombre

Correo electrónico

Mensaje

Hover Setting

default

Aquanaria, la Llubina Atlántica


Facebook: https://www.facebook.com/Aquanaria/
Twitter: [@aquanariafish]:  https://twitter.com/aquanariafish
Instagram: [@aquanaria]: https://www.instagram.com/aquanaria/


Comentarios: Vamos partir d'una base, por que toos lo tengamos claro, nada como una llubina selvaxe pescada nel Cantábricu y bien preparada por cualesquier de los nuesos grandes cocineros. Tenemos perbona rula y munchos restoranes onde la ufierten, y daveres, ye insuperable.


El problema ye que nin tolos nuesos restoranes apuerten a ella, por entreseca o preciu, y nós como veceros munches vegaes nun podemos atopales nes nueses pescaderíes, colo que nos queda como única opción la llubina de piscifactoría.


Nestos tiempos onde los veceros esiximos conocer la trazabilidá del productu, y onde cada vez apostamos más -afortunadamente-, pol Km0, les empreses empiecen a crear la so marca propia p'asitiase lo máximo posible nun mercáu más bien escasu onde ye bien complicáu d'entrar.


Como productu entemediu, naz Aquanaria, empresa de Santander, anque cola so base operativa en Gran Canaria. Al más puru estilu Balfegó, que críen vivos los sos propios atunes, aquanaria fai lo mesmo na mariña de Gran Canaria coles sos llubines. La crianza ye d'un mínimu de 36 meses. Asina, pueden garantizar a demanda llubina en cualesquier de los 20 países del mundu qu'aproven, vía avión, p'apurrir una productu frescu, a la midida que se deseye, mientres tol añu, a preciu estable ensin les fluctuaciones del mercáu, ya importante, con garantía de tar llibre de anisakis.


Pa probales, xuntámonos nel maraviyosu Palaciu de Valdesotu, onde, de la mano de Isaac Loya, del Balneariu de Salinas, pudimos probar 5 variedaes distintes de Llubina.


Tartar de Llubina sobro Ají Mariellu. Bien rica con un toque picante.


Usuzukuri de Llubina con Ponzu. La que menos namoró.


Llubina al Vapor. Nun precisa más.


Llubina al Champagne. Un clásicu de la casa que ta impresionante.


Llubina a la Brasa en Fornu Josper. La favorita la nueche. Perfecta.





No hay comentarios

Publicar un comentario