Contact Me

Nombre

Correo electrónico

Mensaje

Hover Setting

default

Don Garfo

Señes: Rua do Barrio 25 de Abril, 10 - Guarda - Portugal
Teléfonu: +351 271 211 077


Web: http://restaurante-dongarfo.business.site/
Facebook: https://www.facebook.com/DonGarfo

Calidá: 4/5
Preciu: 34€


Comentarios: Guarda ye'l pueblu más altu de Portugal, a 1506m d'altor. Zona de castiellos y con una plaza bien guapa. Fiximos parada curtia a comer nun sitiu que nos sosprendió pa perbién.

Don Garfo ye un restorán d'amplies cristaleres, asitiáu metanes pequenes cases de pueblu y que nada tien que ver colo qu'esperes na zona. Según entres na puerta, salón con zona de barra. Tienen otru salón interior, ya inclusive un salón priváu nel pisu de riba.


Manuel, bien atentu, atiende'l restorán xuntu col so fíu. Y Doña Olimpia a los fogones entemez d'una manera maxistral la cocina tradicional cola cocina más creativa. Ello ye que estremen la so carta en Sabor Tradición y en Sabor&Arte. Tou un aciertu. Tienen dos menúes degustación a partir de 4 persones. Restorán mentáu por Estrella Michelín nel 2017.

D'aperitivo, pan y aceite local. L'aceite nidio, pero con un toque acedu.


Pidimos d'entrante una Ensalada Sabor&Arte. Llechuga, freses, mangu, güevu cocíu, quesu nidio ... bien refrescante. Col aliñu perfeutu.


De platos principales pidimos. Atún Frescu con Mueyu de Tomate. Vien acompañáu de verdures fresques y puré de pataca. Escelente. Bien bonu. Fechu al puntu.


Atún Frescu con Mueyu Miso. Tamién acompañáu de verdures cruxentes y puré de pataca. El mueyu miso ta bien rico. Dos platos col mesmu productu pa comparar.


De postre, un Mininho de Fresa con Amenorgamientu de Vinu Porto. El Porto da contundencia y la fresa la frecura. Contraste prestosu.


Pa beber, media botella de vinu blanco de la zona. Planalto Douro Blanco Reserva 2016. Secu y ricu. Y agua.

Pagamos 68,19€. Xenial atención. Per bon productu. Y a un preciu estupendu. Gran sitiu.

Pd: La semeya de portada ye del so Facebook.


No hay comentarios

Publicar un comentario