Publicidá

Contact Me

Nombre

Correo electrónico

Mensaje

Hover Setting

default

Nueva Visita: Posada del Mar

Señes: C/ La Riba, 15. Luanco / Lluanco
Teléfonu: 985 880 751


Encamientos: Pexe y Cachopu
Facebook:  https://es-la.facebook.com/posadadelmar.luanco


Calidá: 4/5
Preciu: 30€


Comentarios: Teníamos pendiente volver a La Posada del Mar a probar so famosu cachopu, asina qu'averamos xustu antes de les "invasiones veraniegues". La Posada ye preciosa, tien esi ambiente de chigre nuna cai piatonal arrodiada d'edificios iguaos y xusto al llau de la zona'l puertu de Lluanco. ¿Puede pidise más? Sí, qu'anque tuviera nun sitiu feu y el llocal fuera mostrosu, pagaría la pena la visita pela so cocina. Productu de primera y a perbon preciu.


El comedor ta asitiáu nel pisu de riba. Decoración clásica, meses espaciaes y atención de primera de Toño y la so fía Aida. Si sois dos yá'l tiempu acompaña, acutái la mesa del balcón. Ye una maravía comer ellí fuera.


Empezamos con unes Croquetes. Clásiques y suaves, con bonos cachos de xamón. Taben tan bones que Deva casi nin nos dexó probales.



Ensalada de Gula y Llagostinos. Templada, con unos llagostinos formosos. Bien rica.


Y empezamos colo bono ... Calamares Frescos que taben pa morrer. Buenísimos. Nun se vos ocurra echa-yos llimón.


De platu principal un Sapu, un "Pixín pequenu". Perfeutu. Y de pequenu nada. Tienen un toque especial pa faer el pexe, y nótase. Compartímoslo ente toos y taba impresionante.


Acabamos coles oxetivu la visita, Cachopu de Xata. Suave, xugosu, nada grasientu, perfectu rebozao y carne de primera. Si sois cachoperos, ye'l vuesu sitiu.

Tienen otru cachopu de merluza qu'hai que probar sí o sí, asina que debemos otra visita a Toño y Tere. Y otru día a probar la Caldereta ... Ye una cocina que mira al mar que tien a escasos metros.


De postre, daqué variáu y al centru pa compartir.

Como veis, les presentaciones son sencielles pero'l productu de primera, un sitiu preciosu onde vas pagar muncho menos de lo que crees, y con una atención de primera. La Posada del Mar ye ún de los nuesos favoritos.


Pa beber, Terras Gaudas.


Pagamos 120€. Ente 4 + 1 neñu. Como veis, extremendamente baratu. Gran sitiu La Posada del Mar.


No hay comentarios

Publicar un comentario