Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva Visita: Cencerro


Direición: Calle Decano Prendes Pando, 24, Xixón
Teléfonu: 984 39 15 67


Web: http://www.tabernaelcencerro.es/
Facebook: https://www.facebook.com/pages/Taberna-El-Cencerro
Twitter: [@El_Cencerro ] https://twitter.com/El_Cencerro


Anterior Visita: http://www.lesfartures.com/2015/05/el-cencerro.html


Calidá: 4/5
Preciu: 40€


Comentarios:  El Cencerro ye ún de los nuesos locales favoritos de Xixón. Siempres que fuimos comimos xenial, atendiéronnos perbién y afayamos a gustu. Amás, atópase lo suficientemente alloñáu de la zona como para atopar cierta tranquilidá, anque acutái, porque suel tar llenu.


Cenamos 4 persones. Mesa de la esquina, local llenu, pero sele.


Empezamos bebiendo Sidra de Mesa 1947 del Llagar Viuda de Angelón. Xenial sidra de mesa. Güel y sabe a sidra, pero caltien la elegancia d'un vinu blanco. Ta buenísima y non canses nunca de tomala. Solo quedába-yos una botella  asina qu'en cuanto la finamos, camudamos al vinu.


Empezamos con un Aperitivu de Llingua de Xata en vinagreta. Refrescante y para tomar d'un bocao. Bien ricu.


Ensalada de Quesu de Cabra, Piñones, Uves Pases y Xamón. Perfecta de mano y siguir enfrescando. Bona ración, amás.


Orixinales les Croquetes Artesanes de Centollu con AliOli de Calamar. Sabor fuerte a centollu, con unes croquetes bien cremoses que nos prestaron. Moyales nel alioli de calamar potencia inda más el sabor. Intensidá y cremosidá Per bones.


Fora de carta, un Tataki d'Atún Coloráu. Salvando qu'ameyoraría con ún "nuesu" yá que tamos en temporada, taba buenísimo. Perfeutu. Vien acompañáu amás d'una crema de pataques.


Para la carne, fuimos al vinu. Escolinas 2012. Puntazo que sía del 2012, porque les últimes botelles que tomamos yeren del 2013. Uva carrasquín para un vinu con premios internacionales, con un preciu más qu'afechu. Bien bonu.


Xata Asturiana, raza Casina (producción ecolóxica). Al mediu pa compartir. Sospriende la suavidá, y l'elegancia del sabor. Xenial que s'animen cola casina, de la que dicen ye una vaca muncho más sabrosa. Encantónos.


Pidimos 3 postres pa compartir al centru de la mesa.


Sopa de Maracuya con Vainilla de Madagascar, Espluma de Yogur Griego y Falsu Caviar d'Arándanos. Buenísimo. Pa meter la cuyar de riba a embaxo, y llevar un pocu de cada capa.


Milfueyesde Quesu Mascarpone al Cointreau y Cereces. L'erru que cometimos foi comelo dempués de la sopa y ... claro, perdía un pocu tocantes a sabor. Pero entá asina, perfeutu. Milfueyes bonísimo con una combinación xenial del Mascarpone coles cereces.


Y Mousse de Cítricos, Mangu y Crujiente de Naranxa p'acabar. Otra esplosión de sabores refrescantes na boca. Predomina'l mangu y el contraste de testures na boca ye xenial.

Nivelazo de los 3 postres.


Bona carta de vinos, y equí vien otru de los puntazos del local. Na primer páxina de la carta de vinos atopes tolos productos asturianos. Cerveza, Sidra y Vinu. Daqué de sentíu común que tristemente arralez. Asina que cuando se fai, bien ye reconocelo.


Otru de los puntos del local, ye la cerveza d'ellaboración mesma Vor. Ese proxecto de Damian Arana, que ta faciendo en Tinéu na Fábrica de Deva, ameyorando día a día.


Pagamos por tou, 155€.  Munchu nivel nun sitiu bien guapu. Comimos de luxu, bebimos asturianu y tratáronnos xenial. Sigue encantándonos El Cencerro.


No hay comentarios

Publicar un comentario