Nueva visita - Casa Farpón

Direición: Mamorana - La Pola L.lena 
Teléfonu: 985 493 848



Recomendaciones: TOO


Calidá: 5/5
Preciu: 40€


Web: http://www.casafarpon.com/
Facebook: https://www.facebook.com/CasaFarpon/
Twitter: [@casafarpon] https://twitter.com/casafarpon
Instagram: [@casafarpon] https://instagram.com/casafarpon


Anterior Visita: http://lesfarturesast.blogspot.com.es/2016/10/casa-farpon.html


Comentarios: Volvimos a ún de los nuesos sitios favoritos del añu pasáu, ya inda ameyoramos la esperiencia. Javier sigue creciendo y ameyorando día a día, de mano, ta realizando obres en frente del restorán (qu'espera acabar pal branu), para abrir una terraza dende les que tienes unes vistes espectaculares. Y en el pisu de baxo, un mini parking porque Mamorana entama quedase pequeñu para tanta visita al restorán.

Amás, amplió la carta, ya introdució dos menús degustación nuevos. Menú Tradición, onde se tira de clásicos de la casa, como les croquetes, los callos o l'arroz con Pitu. Y un Menú Casa Farpón, onde Javier xuega más cola so creatividá, siempres con productu asturianu de base. Va haber que probalos.

Mientres nos esplicaba los cambeos, pudimos probar una nueva cerveza artesano de Morcín, Montera. Zarru bien guapu para una cerveza que ta empezando, nidia y qu'esperamos adulces vaya ameyorando.


Yá nel salón, empezamos con un Aperitivu la casa. Mantequilla de Llima, Aceituna rellena de Naranxa y Vermú, Sandwitch de Rabu de Toru con Mueyu de Gochu y Encurtíu de Cebolla Colorao y Cebollu y un Bollín de Chorizu.



Xenial aperitivu, para comer de fora adientro. La mantequilla mui nidia, el bollín espectacular, el sandwitch bien ricu pero l'aceituna ... ye increíble. Ye como meter un cachu vermú na boca. Per bonu.


Indispensable pidir Media de Croquetes. De Xamón. Desfaíense por dientro. Mui, mui riques.


Non los meyores, pero sí de los meyores.


Carpaccio de Xata Asturiana con Ablanes, Parmesan, Cebollu y Rucula. Buenísimo, y la combinación cola ablana, a cencielles xenial.


Encantónos


Como sorpresa, traxéronnos unos Espárragos Blancos a la Plancha. Namás con aceite. Nun vos los podéis perder. Perfeutos.


Una maravía.


Ventrisca d'Atún Coloráu. Fechu con una esplumadera sobro la llapada del fueu. Lleva un brochazu d'Aceituna Negra y Kalamata con Tomate Cherry Rellenu de Xeláu de Mostaza. Una maravía.


A la llapada, tien un toque afumáu importante, que cola grasa la Ventrisca queda a cencielles perfeutu.


Acabamos con una gociada de postre, un Homenax a Asturies. Mazana ferruñosa, Xeláu d'Arroz con Lleche, Agua de Mazana, Arrayadura de Llima, Tires de Mazana Verde. La mazana ferruñosa intenta recordar a la Magaya, un homenax a la tierra que ta buenísimo. El xeláu d'arroz con lleche ... ye una gociada.


P'acompañar el postre, traxéronnos xuna copa de Sidra de Xelu Panizales. Como siempres, buenísima.


Pa beber, Brut Nature Reserva Prau Monga, del llagar Viuda de Angelón. Una garantía. Fría, fresca, seca, con toque acedu a sidra ... ta buenísima. Tienen amás de la Sidra y la cerveza asturiano, más tipos de sidra y vinu asturiano. Y agua.


Colos cafés, unes galletes d'almendra.


Pagamos 80€. Como veis, la evolución ye clara, la cocina de Javier crez, y va camín de convertir Casa Farpón n'ún de los referentes de la cocina asturiana. Indispensable visita.

0 comentarios :

Publicar un comentario