Publicidá

Blog Archive

Contact Me

Nombre

Correo electrónico

Mensaje

Hover Setting

default

La Brujería


Direición: C/ Estación, 18 - Avilés
Teléfonu: 985 087 520

Calidá: 3/5
Preciu: 25€

Facebook: https://www.facebook.com/brujeriatapas/


Comentarios: El Barriu Sabugo d'Avilés vuelve tar de moda, y agora ye una de les zones que más ta pegando gastronómicamente na ciudá. El Pañol, Yume, La Calenda, El Poeta, un nuevu sitiu de postres, El Cabanón pa tomar les meyores cerveces del mundu, El Tostón de Jon y agora, ún que nos faltaba por probar, La Brujería.

Y faltábanos por probar, nun por falta ganes, si non porque ye complicáu atopar una mesa pa cenar el fin de selmana. Llocal xustu en frente d'El Cabanón, tien una amplia cristalera dende la que se ve tol interior. Meses espaciaes, altes y dalguna baxa; y la cocina abierta al fondu.

Na parte de tras, una bona terraza, inclusive con zona de xuegos pa los más guah.es.

Cocina con un toque d'orixinalidá, tiramos de clásicos encamentaos pola casa pa faenos una primer idea. Y gustónos. Taba tou bien ricu.


Empezamos con unos Chipirones, Mayonesa d'Ayu Negru, Llima y Cebollinos. Mui ricos. Bona ración, bonos chipirones y per bona esa Mayonesa.


Suxerencia de la casa foi'l Cachopu, fora de carta y que teníamos que probar sí o sí. De mano, presentación orixinal ensin empanar. La carne ta espectacular, nidia yá'l puntu; y desfaíase sola. Con quesu manchegu.


L'amestu ta perrico anque daba pena comer la carne porque sola ta mui bona.


Pa beber, vieno de Cangas Escolinas Wallaby 2013. Mui ricu. Creo que yá dexaron de faelo (sustituyenlu por Finca de los Frailes). Plurivarietal de delles clases autóctones con 12 meses en barrica carbayu. Intensu, sabrosu y con arumes a frutos coloraos (lleí daqué perhí d'especies hundúes, pero a mi yá m'escapa).


P'acabar, invitación de la casa colos cafés de 2 clines presentaos de forma bien orixinal como si d'una xarra cerveza fuere.

Pagamos por tou 55€. Bona relación calidá-preciu. Un sitiu pa volver y repitir coses más ventureres, pero apunta bones maneres. Vamos volver.


No hay comentarios

Publicar un comentario