Direición: Av. Jose Tartiere - Llugones
Teléfonu: 984 840 763
Preciu: 35€
Facebook: https://www.facebook.com/evoque.bar/
Instagram: [@/restaurante_evoque] https://www.instagram.com/restaurante_evoque/
Comentarios: Conocimos Evoque siendo xuráu del Concursu d'Asturies de Pinchos. Sorprendiónos primero'l so bon gustu na decoración y, sobremanera, les bones maneres qu'apuntaben na cocina, con un pinchu que propunximos pa ser finalista na Categoría de Pinchu Asturianu 2017.
Nun llograron el premiu, pero sí faese visibles. Y ye que cuesta atopar en Llugones un llocal asina, qu'ufierte daqué distintu a una ufierta predominantemente sidrera (y que siga per munchos años). Lleven tan solo 13 meses, con muncha ilusión, tienen les idees clares y ufierten coses interesantes.
El llocal llamar enforma l'atención, tien una terraza esterior, con barra incluyida, que da a una cai/plaza piatonal, y tien que ser una pasada pel branu. Dientro, zona amplia con barra enorme. Dalguna mesa alta pa tomar daqué, y meses baxes. Amplies cristaleres y una decoración mui, mui cuidada.
Al fondu, un comedor para unes 20 persones, pequeñu, pero afayadizu. Y con meses abondo espaciaes pa tar a gustu. La sensación que da'l local en tou momentu ye la de tranquilidá, y convida a relaxase y esfrutar.
Cenamos 3 persones, y punximos en manes del equipu del Evoque pa probar lo qu'ellos quixeren. Empezamos con un aperitivu la casa, Crema de Boletus con Carambelu de Piquillo y Sardina sobro Base Escalibada.
Mui ricos los dos, sobremanera la crema de boletus, potente, pero cola sorpresa al fondu del piquillu.
Panes de Trigu, de Chapata o de Maíz con Pipes. Ricos.
Siguimos con un Carpaccio de Sollombu de Xata con Vinagreta de Boletus y Parmesano. El nuesu platu favoritu la cena. Bon carpaccio, que combina xenial col toque de boletus, yá'l parmesano al centru pa que lu distribuyas como quieras.
Fritada de Pulpu con Espluma de Pataca y Pimentón. El pulpu ta duru, fechu arremente según comentónos el cocineru Jose Tárano. A nós nun nos trunfó. Bona ración, bona espuma, pero preferimos el pulpu nel so puntu. Al nuesu entender el platu ganaría muncho más.
Bacaláu envueltu en Xamón Ibéricu con Crema de Foie. Emplatáu pa caún. Per bona presentación, bon conxuntu y perbién dambos por separáu. El mueyu sóbranos, amás lleva un amiestu de foie con quesu azul. Bon platu.
Magret de Coríu con Mueyu d'Arándanos. Otra presentación bona, pero yá nos avisó'l cocineru qu'el Magret pasóse-y un pocu. Bona combinación.
Acabamos con una amuesa de postres del llocal. Tiramisú d'Afuega'l Pitu, Coulant de Chocolate y Cremosu de Turrón. Gana por goliada'l Coulant, mui ricu. El tiramisú tamién nos gustó.
Tienen una bona carta de vinos, con precios pa tolos gustos. Variedá y calidá. Ye ún de los puntos fuertes del llocal ensin dulda. Amás, cunten con representación asturiana, tantu en vinu como en Sidra Esplumoso. Tou un aciertu.
Cenamos con Monasterio de Corias Finca de los Frailes, tintu con uves autóctones asturianes y 8 meses de barrica de carbayu. Sabrosu, con toque de madera y frescu. Gran vinu que foi perfeutu con tola comida. Según foi pasando la cena foise portando meyor. Un gran "clase media" a un preciu conteníu que nos allegramos enforma que tea entrando nos restoranes.
Otru los puntos fuertes del local ye la selección de bébores. Acabamos con un Güisqui Xaponés Nikka from the Barrel. Fantásticu, con una presentación en botella de 50cl. Sabrosu, elegante, con un toque dulzuxu a naranxa. Impresionante güisqui.
Nun pagamos, fuimos convidaos pola casa.
Lleven namás 13 meses, hai coses a ameyorar, pero la idea, el conceutu, y la puesta n'escena, diznos que Evoque solo puede evolucionar a meyor.
Facebook: https://www.facebook.com/evoque.bar/
Instagram: [@/restaurante_evoque] https://www.instagram.com/restaurante_evoque/
Comentarios: Conocimos Evoque siendo xuráu del Concursu d'Asturies de Pinchos. Sorprendiónos primero'l so bon gustu na decoración y, sobremanera, les bones maneres qu'apuntaben na cocina, con un pinchu que propunximos pa ser finalista na Categoría de Pinchu Asturianu 2017.
Nun llograron el premiu, pero sí faese visibles. Y ye que cuesta atopar en Llugones un llocal asina, qu'ufierte daqué distintu a una ufierta predominantemente sidrera (y que siga per munchos años). Lleven tan solo 13 meses, con muncha ilusión, tienen les idees clares y ufierten coses interesantes.
El llocal llamar enforma l'atención, tien una terraza esterior, con barra incluyida, que da a una cai/plaza piatonal, y tien que ser una pasada pel branu. Dientro, zona amplia con barra enorme. Dalguna mesa alta pa tomar daqué, y meses baxes. Amplies cristaleres y una decoración mui, mui cuidada.
Al fondu, un comedor para unes 20 persones, pequeñu, pero afayadizu. Y con meses abondo espaciaes pa tar a gustu. La sensación que da'l local en tou momentu ye la de tranquilidá, y convida a relaxase y esfrutar.
Cenamos 3 persones, y punximos en manes del equipu del Evoque pa probar lo qu'ellos quixeren. Empezamos con un aperitivu la casa, Crema de Boletus con Carambelu de Piquillo y Sardina sobro Base Escalibada.
Mui ricos los dos, sobremanera la crema de boletus, potente, pero cola sorpresa al fondu del piquillu.
Panes de Trigu, de Chapata o de Maíz con Pipes. Ricos.
Siguimos con un Carpaccio de Sollombu de Xata con Vinagreta de Boletus y Parmesano. El nuesu platu favoritu la cena. Bon carpaccio, que combina xenial col toque de boletus, yá'l parmesano al centru pa que lu distribuyas como quieras.
Fritada de Pulpu con Espluma de Pataca y Pimentón. El pulpu ta duru, fechu arremente según comentónos el cocineru Jose Tárano. A nós nun nos trunfó. Bona ración, bona espuma, pero preferimos el pulpu nel so puntu. Al nuesu entender el platu ganaría muncho más.
Bacaláu envueltu en Xamón Ibéricu con Crema de Foie. Emplatáu pa caún. Per bona presentación, bon conxuntu y perbién dambos por separáu. El mueyu sóbranos, amás lleva un amiestu de foie con quesu azul. Bon platu.
Magret de Coríu con Mueyu d'Arándanos. Otra presentación bona, pero yá nos avisó'l cocineru qu'el Magret pasóse-y un pocu. Bona combinación.
Acabamos con una amuesa de postres del llocal. Tiramisú d'Afuega'l Pitu, Coulant de Chocolate y Cremosu de Turrón. Gana por goliada'l Coulant, mui ricu. El tiramisú tamién nos gustó.
Tienen una bona carta de vinos, con precios pa tolos gustos. Variedá y calidá. Ye ún de los puntos fuertes del llocal ensin dulda. Amás, cunten con representación asturiana, tantu en vinu como en Sidra Esplumoso. Tou un aciertu.
Cenamos con Monasterio de Corias Finca de los Frailes, tintu con uves autóctones asturianes y 8 meses de barrica de carbayu. Sabrosu, con toque de madera y frescu. Gran vinu que foi perfeutu con tola comida. Según foi pasando la cena foise portando meyor. Un gran "clase media" a un preciu conteníu que nos allegramos enforma que tea entrando nos restoranes.
Otru los puntos fuertes del local ye la selección de bébores. Acabamos con un Güisqui Xaponés Nikka from the Barrel. Fantásticu, con una presentación en botella de 50cl. Sabrosu, elegante, con un toque dulzuxu a naranxa. Impresionante güisqui.
Nun pagamos, fuimos convidaos pola casa.
Lleven namás 13 meses, hai coses a ameyorar, pero la idea, el conceutu, y la puesta n'escena, diznos que Evoque solo puede evolucionar a meyor.
No hay comentarios
Publicar un comentario