Casa Vila

Direición: C/ Jovellanos, 9 - Pravia
Teléfonu: 984 830 780


Recomendaciones: TOO


Calidá: 4/5
Preciu: 20€


Facebook: https://www.facebook.com/Casa-Vila


Comentarios: Conocimos Casa Vila gracies a Olalla d'A Buen Bocado, y encamentolos tanto, qu'averamos a Pravia a visitalos.

Asitiáu nuna cai piatonal, mui cerca de la plaza central de Pravia (ta guapísimo), dispon d'una terraza llateral al llocal cubierta de madera, y, si acompaña d'una terraza esterior en frente del local. Como'l local nun ye grande, si'l tiempu acompaña, ye una gociada tar tranquilamente ellí fuera.


Nós tomamos el vermú fora y hasta pruyía comer ellí. Dientro, caltien la esencia d'un chigre-tienda, con una ufierta de quesos perbona. Amás, vas atopar llates de conserves de calidá y dalgún productu más interesante.


Comimos nun estremu'l restorán. El llocal ye pequenu, pero ta perbién aprovechao, y cómese tranquilo por cuenta de que les meses tán lo suficientemente espaciadas. La nuesa, taba de lluxu.

Comimos 4 persones y pidimos tou al centru pa compartir.


Empezamos con unes Anchoes Artesanales del Cantábricu Don Bocarte. Nada fuertes, suaves, más "elegantes". La marca Don Bocarte yá ye de sobra conocida, y la presentación del productu ayuda inda más a tastiales. Bien bones.


Una les especialidaes de la casa que siempres m'encamienten son los Tortos. Tienen delles clases, dende los más clásicos hasta dalgún más arriesgao. Asina que pidimos variaos pa probar un pocu de too. De Pistu de Vexetales y Bonitu con Vinagre de Módena; de Tomate Confitao, Quesu de Cabra y Cecina; y, pa mi'l meyor, de Confitura de Kalamata, Almendres, Figos, Amenorgamientu de Balsámicu y col meyor quesu azul del mundu, el nuesu Cabrales Teyedu. Increíble combinación. Y la base del tortu xenial, nada grasienta.

El que menos trunfó foi'l de pistu.


Siguimos con un Timbal de Bacaláu. Ricu, el bacaláu perfectu. Desfái na boca en llámines. Ún de los platos favoritos de la comida.


Otra de les sos especialidaes ye'l Cachopu de Xata IGP Asturiana Rellenu de Cecina y Quesu Vidiago con Mueyu de Xampiñones y Pimientos del Piquillo con Pataques. Xugosu, porque la carne taba perfecta y porque vien acompañáu percima d'un mueyu de quesu Vidiago. Esto de los mueyos percima del Cachopu va por gustos, pero vos aseguro qu'esti ta bien ricu.


Tábamos a puntu d'españar, pero nos animamos a probar dalgún postre. Al centru la mesa una de les meyores Tartes de Quesu que probemos últimamente. Buenísima.

Y un Arroz con Lleche casero bien ricu.


Los cafés tomámoslos fora. Pa beber Sidra Brut Nature Reserva EM, magnífica Sidra del Llagar El Gobernador. Llimpia, refrescante, con burbuya y sabor. Perfecta acompañando tola comida, incluyíu'l cachopu. ¿Quién dixo que la sidra nun va con tou?

Los cafés tomámoslos fora na terraza.


Pagamos por tou, 82,50€. Mui baratu.

Cocina de productu, perbién presentada, barata, nun chigre-tienda míticu, preciosu nuna redolada medieval en Pravia. Poco más puede pidise.

0 comentarios :

Publicar un comentario