Publicidá

Blog Archive

Contact Me

Nombre

Correo electrónico

Mensaje

Hover Setting

default

Bistrot Gulli

Direición: 120, Sitio de Santa Susana - Aljezur - Portugal
Teléfonu: +351 282 994 344


Recomendaciones: Pizza



Calidá: 3/5
Preciu: 20€



Comentarios: De vacaciones pela zona l'Algarve, visitamos un nuevu lolcal "de moda", un "bistrot" asitiáu metanes la carretera a unos pocos kilómetros d'Aljezur.

Ye una casa de planta baxa, con decoración moderna y cuidada, en maderes y tonos claros. Zona interior de comedor y gran terraza esterior que fai les delicies de les nueches de branu.

A pesar del so allugamientu, ta a españar pel branu, asina que si queréis dir, anque sía ente selmana, acutái.

Según lleímos, defínense como "cocina mediterránea bistró". Bonu, dexémoslo n'una pizzería italiana a precios baratos. La carta ye abondo simple y céntrase en pizzes y productos italianos, tou frescu. Y poco más.

Sentámonos nuna mesa -reservada primeramente- na terraza esterior. Más xaréu, pero tamién a una temperatura más prestoso, que dientro faía demasiao calor.


Pónennos el típicu aperitivo portugués que namás te cobren si lu comes, anque meyor presentáu que na media de llocales. Aceitunes negres, mantequilla con ayu y garitos de pan. Ricu.


Pidimos d'entrante un Carpaccio Alle Fragole. Con emulsión balsámica de fresa y naranxa, pétalos de Parmesano y mousse de cogordes fresques n'arume de viña blanca. Daveres ye un amiestu de mueyu rosa, vinagre de módena, cruxentes de cebolla con una mousse de quesu fresco. Guapa presentación pero platu dafechu fallíu.


Compartimos una Pizza Rusticana, con bacon afumáu, cogordes, tomates, cebolla y oriéganu. La pizza ta bien rica, con masa casero, y bonos ingredientes.


Amás de bon tamañu, y a un preciu impresionante.


De postre, pidimos un Petit Gateau GB, un coulant con toques de naranxa. Ricu, gustónos.


Pa beber, probemos un vinu tinto Portugués Carm Reserva 2012. Lo más caro con diferencia de la cena (22,30€ la botella). Nun nos dio más. Vinu potente, qu'entra duce y acaba demasiao alcohólicu. Tampoco ameyora demasiao col tiempu.


Ensin cafés, pagamos 50,70€. Con un vinu de 22, yá veis que'l preciu ye realmente bonu. Nun esperéis cocina creativa nin nada pol estilu. Manteles de papel, decoración guapa y ambiente "guiri" pa un sitiu normal onde nun vas pagar muncho.


No hay comentarios

Publicar un comentario