The Coffeest Avilés


Direición: Plaza De Abastos - Hnos Orbón. Puesto 15A - Avilés
Teléfonu:  676 367 269


Facebook: https://www.facebook.com/thecoffeestaviles/
Instagram: [@leandrogomezsantamarina] http://instagram.com/leandrogomezsantamarina


Comentarios: Asturies, ye una mini potencia cafetera, tenemos grandes empreses que se dediquen al turre del café con una amplia presencia histórica na nuesa tierra. Pero eso nun quier dicir que teamos avezaos a un café d'alta calidá, dafechu, el torrefacto, o café turráu suel ser café de baxa calidá sometíu a un procesu industrial de turre onde se-y añade azucre p'amazcarar precisamente la baxa calidá del mesmu.


Ante esta ausencia de llocales onde s'ufierte un café natural de mayor calidá, Leandro Gómez Santamarina, asturianu barista y gran espertu cafeteru, abrió va añu y medio un puestu na Plaza d'Abastos d'Avilés.


Esti mercáu, simbólicu por ufiertar los alimentos naturales de mayor calidá, ye'l llugar perfectu p'averanos ensin prexuicios a probar les distintes propuestes que nos ufierta Leandro. Un mundu enteru por afayar, con unos 7 cafés de procedencia distinta, caúnu coles sos característiques que, vos, aseguro, a mi sosprendiéronme. Amás, con certificaos ecolóxicos que garanticen el cuidu de la zona d'estracción y les condiciones humanitaries de les persones qu'ellí trabayen (sic).


Cafés Arábigos y dalgún Robusta especial. Abluca comprobar les diferencies de sabor ente, por casu, un Brasil Minami, con toques amargosos y afrutaos (sí, sospriende notar hasta un toque d'artimora) con un Queña-Zahabu, muncho más acedu ya inclusive con notes cítriques.  Amás d'estos, cuenta con unes 5 variedaes más de cafés, anque tou depende del mercáu y del momentu del café.


Asina, vamos aprender a tomar distintos cafés según la hora del día o lo que nos pruya nesi momentu, nun ye lo mesmo un café a media mañana, que dempués d'una comida, o a media tarde.


Tou esto y muncho más, esplicávoslo apasionadamente Leandro, con muncho que cuntar sobre un mundu desconocíu y sobre el que queda muncha pedagoxía por faer. Y non solo esplicar, Leandro escueye'l momentu óptimo de consumu de cada café y encamiéntate l'orde correctu pa probar les distintes variedaes.


Amás, entama prebes, viende los instrumentos necesarios pa faer café (cafeteres, molinucos ...) y ufierta tamién una estensa variedá de tés. Nun tenéis escusa pa nun pasavos por La Plaza d'Avilés,

0 comentarios :

Publicar un comentario