Asador de Aranda

Direición: Calle Jovellanos, 19 Oviedo / Uviéu


Recomendaciones: Corderín y Gochín.


Calidá: 3/5
Preciu: 45€


Comentarios: L'Asador de Aranda ye un clásicu de la cocina castellana n'Uviéu. Tienen un llocal impresionante asitiáu en plenu centru, una antigua casona del SXVII, esquina con Gascona, con un portón na entrada que da accesu al so xardín principal.


Nel xardín, una terraza cubierta pa tomar daqué al calor de la so calefacción esterior. Una vez dientro la casona, zona de barra p'atender la terraza, yá un impresionante fornu de folla qu'utilicen pa tolos asaos y ye un lluxazu poder ver en funcionamientu. Una maravía.

Pasamos al comedor, impresionante decoración a piedra afayao, vidrieres y madera antiguo. Paez que recules unos sieglos y que vas asistir a un banquete d'Urraca l'Asturiana, eso sí, esta vegada con cubiertos.

Menú familiar pa unes 18 persones. Raciones bien abondososes y una atención prestosa en tou momentu.


Comenzamos la comida con una Ensalada d'Aguacate, suave y refrescante.


Pudding d'espárragos 2 salses. Bona pieza, suave, llixera, pero con tastu. Y hasta equí les concesiones "llixeres" que nos daba'l menú.

Entama lo bono.


Morcilla d'arroz de Burgos. nun sé si sois amigos de la morcilla d'arroz, en principiu más "suave" que la morcilla que tamos acostumaos a comer n'Asturies. Pero ésta taba allegre, y casi nun nos dexó que la escaeciéramos el restu la comida. Taba per rica y amás vieno una bona ración.


Torreznos de Soria regaos con miel y naranxa. Ún de los mios favoritos de la comida. Per ricos. Cruxentes y con un toque dulce, xenial contraste.


Como segundu platu hubiera pa escoyer: Corderín, Gochín o Bacaláu. Como veníen les raciones abondoses (sacantes el bacaláu que venía emplatáu, el restu venía en fontes de cerámica al centru la mesa), probemos un poco de todo. Ganó por goleada'l Corderín.


Acompañaos de pataques frites yá ensalada.


Corderín d'Aranda de Duero con ensalada y pataques. Perfeutu. Foi'l trunfador pa toos.


Gochín llechal de Segovia con ensalada y pataques. Ricu, pero un puntu per baxu del corderín. Taba más secu y la testura la piel nun taba tan crujixte como debería.


El que menos nos gustó foi'l Bacaláu confitáu sobro guiso de pisto. Taba bastante soso y secu. Anque col pisto, meyor.


De postre, Hoxaldre cruxente con crema pastelera. Bien bonu, gustó especialmente a los llambiones. L'hoxaldre y la crema perfectos.


Acabamos con unes Café acompañáu d'unes Rosquíes de la güela. Amás trayer un Aguardiente anisao con Moscatel Casero.


Pa beber, Septiembre, un ribera xóven tempranillo que nun pasar a la hestoria.

Pagamos 45€ por persona. Menú completu, pelín caru pal mio gustu, pero polo xeneral bastante bien. Amás, el sitiu ye impresionante. 

0 comentarios :

Publicar un comentario