Llagar - Tienda El Cuchareru

Direición: Barrio la Granda, 146 - Nueva de Llanes
Teléfonu: 639 810 225



Facebook: https://www.facebook.com/Tienda-MicroLlagar-El-Cuchareru


Comentarios:  César Ruiz lleva faciendo sidra casero más de 20 años, pero l'añu pasáu anímose, reformó'l llagar pequenu que tien y amás, montó un chigre-tienda con munchu encantu.


Asitiáu en Nueva de Llanes, nuna zona sele, pero enllena de turistes pel branu, dispon d'una tienda onde predominen productos asturianos - gourmet y de güerta. Ellí vas atopar quesos asturianos de primera, tomates, nueces ... pero tamién cerveza artesano, vinu, aceite ... y rareces en conserva pa probar coses dintintas.


Na parte d'atras de la tienda abre un pequenu patiu con delles meses y barriles pa tomar daqué y picar dalguna de les tapes qu'ufierta.


A lo fonderu, n'otru edificiu distintu, un pequeñu comedor con vistes a les barriques de sidra. Un sitiu enllenu semeyes y botelles antigües, en madera y lladriyu, con muncho encantu.


N'otru aparte, un llagar pequenu, onde produz unos 9000 llitros de sidra añal. Sidra casero, qu'ufierta na so propia tienda (amás de dalgún palu más como Orizon y Roza), y que tuvimos ocasión de probar.


Defensor acérrime de la sidra "d'antes", Cesar nun escuende la so preferencia pa beber la sidra. Una sidra que nun se bebe tan fría, más gorda, con menos carbónicu y con golor y sabor importante a la madera la barrica. Ensin dulda una sidra distinto, que nos recuerda tiempos anteriores.


Al tener poco carbónicu fai que l'espalme tea xustu y l'aguante nun se pueda clarificar.


Un sitiu bien guapu pa parar a probar la so sidra acompañada dalguna tapa, o inclusive d'unos callos.

0 comentarios :

Publicar un comentario