III Geração

Direición: Rua 25 de Abril, 14. Aljezur - Portugal
Teléfonu: +351 282 998 534



Recomendaciones: Pexe



Calidá: 3/5
Preciu: 30€


Comentarios: Repetimos esti llocal que visitamos fai un par d'años y del que yá vos falamos nel enllaz d'Anterior Visita. Esta vegada atopamos con cambéu na xerencia, anque, según aporfiáronnos y pudimos comprobar, non na cocina.

Cocina cenciella, basada nel productu, enfocada sobremanera al mar y a preciu bien algamadizu. Fuimos n'Agostu y práuticamente tolos díes taba a españar, asina que si vais, acutái.

Ye un llocal pequeño y lleno de meses, casi cuesta pasar, inclusive tien dalguna na que comes pegao a otros comensales. El serviciu ye rápido, anque atentu. Suélense entemecer turistes con nativos, y l'ambiente ye prestosu.


Empezamos con una Ensalada de Pulpu, con ayu y aceite. Y aceite d'oliva de verdá. El pulpu nel so puntu. Bon platu.


De platu, pidimos una Llubina pa dos persones. Mui bona, fecha a la parrilla. Encantónos.


Vien acompañada d'unes pataques cocíes con verdura, ayu y aceite.


De postre, toos caseros, según nos dicen, Tarta d'Algarroba y Naranxa, distinta y orixinal. Ye un brownie con un toque acedu, a naranxa y apurra vexetal. Gustónos.


Pa beber, encamientu de la casa Monte Mayor Blanco. Vinu blanco del Alentejo que nun namora. En carta teníen dalgunu más decente.

Pagamos, con cafés, 49.83€.

Un bon sitiu pa tomar pexe fresco a un preciu algamadizu, nun ambiente de chigre. Eso sí, últimamente llenu de turistes.

0 comentarios :

Publicar un comentario