Taberna el Perejil



Direición: Calle Santa Doradia, 19. Gijón
Teléfonu: 985 33 11 92

Pequena tabierna allugada'n Xixón, cerca la Plazuela san miguel, por encamientu les nueses amigues de www.empachate.com xuntámonos 4 amigos y decidimos averanos a probar cómo se come nesta tabierna.



Ye una tabierna pequena y con poques meses, pero tuvimos de suerte y magar ser un Sábadu pa comer nun había muncha xente, asina que nos sentamos y echámos-y un güeyada a la carta, sicasí, por muncho que miramos la carta en cuanto llegaron a tomanos nota y esplicáronnos los encamientos fora d'ella fíxonos la boca agua y tolo qu'escoyemos yera de fora de carta.



De mano unes zamburiñes a la plancha con un mayáu de pimientu y tomate secu, espectacular el mayáu que nun mata'l platu sinón que potencia'l sabor, como puede vese una ración bastante abondosa de la que dimos cuenta rápido. Nun pudimos aguantar la tentación de moyar el pan recién enfornáu pa llimpiar el platu.




Dempués pidimos un tataky d'atún coloráu del mediterráneu con alga goma, wakame y xenxibre lleldáu en casa acompañáu de wasabi y mueyu de soya, un platazu, con productu de calidá y perbién tratáu, el xenxibre lleldáu en casa dába-y un toque per bonu al platu dexando un suavín toque picante. Como puede vese la ración de nuevu abondosa


Tamién pidimos secretu de gochu ibéricu d'abiyota con mueyu de mangu, vien acompañáu con unes pataques y pimientos, carne nel so puntu que col toque del mueyu de mangu da-y un sabor interesante, anque si tengo qu'escoyer ente los 3 platos ganaríen el tataki y les zamburiñes.



De postre tarta imitación ferrero rocher sobre cama de natielles, según vas comiendo'l postre cada vez dexa más sabor al famosu bombón, esquisitu. 





Y tamién un Coulant de chocolate sobre crema de natielles bien ricu, magar tar yá llenos daben ganes hasta de repetilo.





P'acompañar la comida un Vinu blancu Verdejo Palaciu de Bornos, un Verdejo mui correutu



Tou esto con cafés pagamos 90 € ente los 4. Una per bona RCP teniendo en cuenta'l productu, la calidá y el tamañu les raciones.


Un sitiu que vamos repetir ensin dulda que destaca pol gran tratu del serviciu y pola calidá de la comida.

0 comentarios :

Publicar un comentario